Posted 1:05 e.h. by Unknown
Þvílík hneysa... Maður póstar stórmerkilegum fregnum á Facebook á undan blogginu sínu... Ussum fuss... Læt það ekki gerast aftur...
En allavega hér eru fréttirnar fyrir þá sem lesa ekki Facebook (vel gert, Facebook er nefnilega holræsi sem maður því ver og miður neyðist til að svamla um í)...
Já fréttirnar...
Sko, á aðfangadag, þá opnuðum við pakkan sem geymdi leyndarmál kynsins á krílinu sem kemur í heiminn á næsta ári... Þar blasti við á svört/hvítu (eða í raun allt aðrir litir) komandi kyn...
Eins og sést á eftirfarandi mynd...

Varð þá til þessi vísa:
Drengur ofan himni datt,
á Durgi eigum von.
Draumar allir sögðu satt
um soninn Ragnarsson.
Enda hafi manni dreymt nokkru sinnum um að ég ætti son, bæði fyrir glæsilegan getnað og nú síðast daginn fyrir uppljóstrun... Þetta kom mér því ekki mjög á óvart...
Svo læddist líka smá grunur að mér í 20 vikna sónar, því ér er ekki frá því að á meðan hjúkkan sýndi okkur líffæri, þá glitti þarna í tólin, enda er stráksi eins og pabbi sinn með tólin áberandi stórt hlutfall líkamans...
Loks reiknaði ég með stráki, þar sem ég hafði lesið mig til um bestu leiðina til þess að búa til einn og ég fór bara eftir öllu sem mælt var með... og það klikkaði ekki... Framundan er samsetning á námskeið þar sem ég deili með öðrum tækninni og hefst þá löng kennsluferð um Kína...

Posted 2:56 e.h. by Unknown
Fórum í 20 vikna sónarinn í gær, litla krílið þá 20 vikna og eins dags... Miklu skýrari mynd núna af barninu... Öll mikilvægustu líffærin gefin góð skil og fyrsti leikur krílis af "gjúgg-í-borg" leikinn... Svo var spriklað, vinkað og sungið fyrir okkur... Einstaklega gaman að sjá...
Svo litum við undan meðan tékkað var á "you-know-what" og niðurstaðan sett í umslag... Umslagið var svo innsiglað, sett í brynvarðann bíl og flutt undir eftirliti ninjahers til Top Secret útsendara hennar hátignar í barnavörubúð þar sem við völdum bleikann og bláan samfesting... Útsendarinn notaði 64bit dulkóðunarforrir til að vinna úr innihaldinu og setti viðeigandi samfesting í skotheldan kassa með tímalás sem opnast ekki fyrr en á aðfangadagskvöld... Við settum slaufu á líka, tvöfaldann hnút (aldrei of varlega farið)...
Þannig stóra leyndarmálið verður ekki uppljóstrað fyrr en á jólunum í faðmi stórfjölskyldunnar... Verður þetta bleikur eða blár samfestingur...? Eða kannski þrír gulir...?

Posted 1:47 e.h. by Unknown
Mikið er eftitt að detta ekki í kattarbrandara... Held þetta sé svona "coping mechanism" til þess að komast yfir ógeðs kattarstrófuna...
Reyndi að dreyfa huganum við að baka jólasmákökur í gær... Notaði ekki einu sinni kattartungur...
Lenti svo í að pæla hvort kötturinn var fórnarlamb Schrodinger... Fyrir þá sem þekkja ekki tilgátuna með köttinn hans Schrodinger þá meikar þetta kannski ekki sens, en ég er alveg viss um að kötturinn var hvorki lifandi né dáin þangað til við fundum hann...
Svo er auðvita vissara að heimta einhverja flík í jólagjöf, bara svo jólakötturinn festi sig ekki þarna líka...
Og loks get ég ekki hætt að raula vinsælasta lag Phoebe í Friends þáttunum...

Posted 9:36 f.h. by Unknown
Það var nú ekkert smá ógeðsvesen sem við lenntum í á laugardag... Eitthvað sem hófst sem sakleysisleg hreinsun á hitakompu endaði á mun verra...
Þetta hefst allt á kattaróféti sem hefur nokkru sinnum laumað sér inn um þvottaherbergisgluggan og legið í hitanum í kompunni fyrir innan... Hann hefur hrætt úr manni líftóruna þegar maður fer niður með þvott og sér þessi djöfulegu störa á mann úr myrkrinu... Með augnsvip á við Satan sjálfan nema ekki eins blíðan...
Maður var að pæla í að reka hann út svo hugsaði maður að þætta væri hálf saklaust og maður lét hann vera... Var svo komið að hann var þarna í hvert sinn sem maður fór í kjallarann....
Einn daginn sem Anna fór niður beið hennar eitthvað ekki svo saklaust... Það var bara þessi svakalega kattahlandsfýla... og engin venjuleg fýla... Kötturinn hlýtur að hafa verið með þvagblöðrusýkingu eða álíka...
Það er ógerningur að finna hvað kötturinn hefur mígið á því hitakompan er troð full af drasli frá tugum fyrri leigjenda sem hafa skilið hluti þarna eftir í gegnum áraraðirnar... Er þá tekin ákvörðun að bara hennda öllu út á haugana...
Það er nú stórt verk þannig það þarf að finna tíma sem henntar öllum (mér, Önnu og frænda hennar með kerruna) og fellur að opnunartíma Sorpu... Þar sem vinnutími minn hefur verið svaðalegur síðuðstu mánuði þá sat komputæmingin á hakanum í tvær vikur... Við bara lokuðum hurðunni og lyktin hvarf úr þvottahúsinu...
Svo var komið að því á laugardag... Við ráðumst í verkið og byrjum að troðfylla kerruna... Eitthvað af þessu drasli hlýtur að vera áhlandaða ógeðið...
Hálfnaður á leið tilbaka frá Sorpu hringir Anna í mig... Haldiði ekki að hún hafi fundið orsök lyktarinnar...
Þarna var kötturinn... Steindauður...! Hann var búinn að grafa sig inní draslið út í horni og troða sér undir hitaveiturörin og festa sig... Liggur hann þarna núna í hland/saurs/blóðpolli á heitasta staðnum sem bakar þennan ilm upp í loftið... Og þetta var enginn venjulegur köttur... Hann var á stærð við hlébarða...! Fyrst þurfi að ná vatnsmelónustærðar hausnum úr sítrónustóru bili og var ég bara með drullusokk sem ég notaði skaftið á til að ýta með tilheyrandi braki og brestum...
Svo varð að smokra hálfstífa ferlíkinu gegnum röra völunarhús og inní svartan ruslapoka sem rétt passar... Hann var límdur pastur í lífsýna pollinum og maður var ekki fyrr búinn að hreyfa hræið millimetra þegar lyktin fer vaxandi í lógaríðmískum veldum... Loksins er skepnan komin í poka en stór stykki af feld og flehhhh liggja eftir í líminu...
Það var orðið svo ólíft þarna inni að maður varð að flýja... Eftir að hafa loftað út í hálfan sólarhring lokuðum við tómri kompunni aftur og var hringt í sérsveit hreingerningarmanna sem koma í dag og sótthreinsa kompuna hátt og lágt...
Sjálfur fór ég í sjö tíma sturtu og skrúbbaði hátt og látt með aseton, edik, blásýru og brennistein til að ná örugglega öllu af líkamanum... Rak ég svo nefið ofan í sterka sinnepskrukku og andaði stíft inn uns nályktin sviðnaði burt ásamt öllum nasahárunum...
Ullabjakk...
En þrátt fyrir alla þessa megaógeðs upplifun, þá kom eitthvað gott úr þessu... Kóreskur kvöldmatur... Nei joke... Átum ekki köttinn... Við græddum tóma geymslu... Eitthvað sem okkur hefur sárvantað... Og næst þegar ég sé kött þarna inni, þá mun ég henda honum strax út áður en hann gerir sig heimilisvanann... Nema, ég sé sama köttinn... Þá verður hlandlyktin ekki frá ketti...

Posted 10:52 f.h. by Unknown
Maður er soddan tachnofile, að í hvert sinn sem maður sér eitthvað nýtt þá verður maður að stökkva á það (ef fjárrúm leyfir)... Að þessu sinni var það nýr sturtuhaus...
Okkar skemmdist því maður hafði þjösnast á bunubreytinum þegar maður var að þrífa vel klístraðan BBQ rifja pott í baðinu... Langaði mig þá alltaf að pannta á netinu svona sturtuhaus með ljósum... Var ég alveg búinn að plana að gera góða leit og fá einhvern sem er vonandi ekki of dýr...
En viti menn... Haldiði ekki að Rúmfó (Rúmfatalageró) var með upplýsandi sturtuhaus á aðeins 1.999 krónur... Tekur engin batterí eða rafmagn... LED ljósinn lýsast upp með hugfræðinni bak við vatnsvirkjanir landsins...
Þegar það er kallt, þá er ljósið blátt... Svo þegar vatnið er orðið gott breytist ljósið í grænt... Loks þegar það orðið heitt þá er það rautt... Ef það verður of heitt, þá blikkar rauða ljósið...
Þetta er bara algjör snilld... Það mætti alveg setja svona í líkamsræktarstöðvarnar, nema með smá lagfæringu... Bæta við gulu ljósi sem varar við þegar einhver pissar í sturtunni...

Posted 2:16 e.h. by Unknown
Þá var maður loskins að eignast sinn eigin bíl... Eftir allt ruglið sem var að gerast í kringum hrunið, þá held ég að okkar bílamál leystust á frekar ágætis máta...
Það sökkaði fyrst þegar fjagra ára lán sem var með 22.000 kr afborganir fóru uppí 33.000 á mánuði... En svo kom eitthvað umreikningsferli eftir þennan dóm í vor og það var ekkert rukkað þangað til núna... Þá var það bara um 1.100 á mánuði næstu 9 mánuði... Eitthvað sem ég gerði bara upp í gær á einu bretti... Eins og maður myndi virkilega nenna að draga þetta eitthvað lengra... Bara 10.000 kr og málið er dautt alveg meðgöngutíma á undan áætlun...
Synd þá að fyrst maður á loksins bílinn sjálfur að helvítið er að bila í 4 sinn á jafn mörgum vikum... og þetta eru stórar bilanir... Einhverjar sem gera veskið manns óökuhæft... Síðustu tvær bilanirnar komu með svo stuttu millibili, að varahluturinn úr fyrri viðgerð er ekki einu sinni kominn í hús...
Það fer að skríða uppí upprunalega kostnað bílsins allar þær viðgerðir sem búnar eru.... Fyrir utan þá stóru sem við ætlum ekki einu sinni að leggja í því hún er svo dýr... Það er viðgerð á rafmagnkerfinu svo við getum opnað skottið... Einhvert verður maður að setja barnavagninn og barnakerruna og barnaleikföngin og barnatöskuna og barnapíuna...
Held að það sé nú allt of freistandi að skipta þessum uppí annan bíl... Hvað segiði... Haldiði að kallinn líti ekki vel út í station...?

Posted 9:32 f.h. by Unknown
Eins og margir vita, þá er ég með ofur talna aráttu... alveg obsessed með sumar tölur, sérstaklega töluna 8... Sem dæmi þá gifti ég mig 8.8.8. (áttunda ágæust 2008)...
Það er mér því mikil ánægja að sjá að fyrsta barnið mitt stefnir allt í að fylgja þessari áttavitleysu minni...
Til að byrja með er þetta 8. barnabarnið hjá ma og pa (það er fjórða hjá tengdó og 4 er líka awesome tala)...
Svo er það sett á 8. degi maí mánaðar á næsta ári...
Og ekki bara það... Ef maður skoðar dagsetninguna 8.5.11. þá er þversumman (allr tölurnar lagðar saman) = 24... Og 24 er auðvita 8+8+8...
Sko, áttur frá öllum áttum...
En barnið má alveg vera með fleiri en 8 fingur og 8 tær...

Posted 8:04 e.h. by Unknown
Merkilegt hvað maður dettur alltaf úr bloggheiminum í marga daga... Að hluta til því það hefur ekkert verið í gangi nema vinna og svo eitt enn... og þetta eina enn er eitthvað sem maður vildi ekki segja frá því það var leyndó þangað til núna... Ég held það sé augljóst hvað það leyndó var út frá þessari massa mynd sem ég set inn fyrir neðan þennan texta...
Jamms, Raggalingur er að verða pabbalingur... Maður hefur vita það í slatta tíma og það er búið að vera brjálæðislega erfitt að bíta í tunguna og segja ekki neitt... Eða bíta í puttana og skrifa ekkert...
En núna er allt komið í ljós og flóðgáttir geta opnast...
Ég mun samt ekkert drekkja þessu bloggi í einhverjum barnafærslum eins og gerist á mörgum stöðum... Held áfram að blogga um sjálfan mig þó á leiðinni sé manneskja enn merkilegri en ég... Hún verður bara að læra að blogga sjálf...

Posted 4:11 e.h. by Unknown
Það býr ninjatöfraköttur á hæðinni fyrir neðan okkur... Þetta er litli svarti köturinn með Hitler skeggið... Það skegg gæti verið feik til að fela ninja uppruna hans...
Í gær tókst honum að lauma sér inn í íbúðina okkar án þess við tókum eftir því og lékk hann lausum hala um stund... Þegar nágranninn bankar uppá og spyr hvort kötturinn sé hjá okkur gerum við leit og viti menn, þarna var hann á svölunum... Við reynum að ná honum og reka út en hann forðar sér leiftur snöggt lengst undir rúmmið... Þar er hann að vappi uns ég næ í kúst og ætla að sópa honum undan...
Skyndilega stekkur köttur undan rúmminu og maður rekur upp stór augu... Er þetta sami litlu svarti kötturinn...? Þessi virkaði þrefallt stærri því hann var svo voða puffy og alveg grár... Hann hleypur út um hurðina og lætur sig hverfa...
Glæsilegt dulargerfi þarna hjá litla svarta kettinum... Lék næstum á okkur... Og þorparinn lét allt ryk sem ég var búinn að safna undir rúmmi hverfa... Þvílíkur ninjatöfraköttur...

Posted 4:52 e.h. by Unknown
Vitiði... Ég var ekki alveg á því að blogga í dag heldur, en ég fann mig tilneyddan út af merkum áfanga um helgina... Málið er að þetta litla blogg, er að ná stórafmæli... Það verður 8 ára nú á morgun...!
8 ára er ekki stór afmæli í huga margra, en fyrir töluobsessed gaur eins og mig, þá er það merkilegasta talan af öllu...
Þetta blogg er númer 3.298 og spannar átta ár (með tveimur hlaupaárum) 2922 daga... Er ég því búinn að blogga 1,13 blogg á dag á þessu tímabili... Meira en eitt á dag...
Það er fyrir utan allt sem ég bloggaði á ensku og "ritskoðaðri" útgáfa sem ég gerði fyrir foreldrar mínu (en þau hættu að lesa þegar þau fundu þessa)...
Já, mikið er ég ánægður með að hafa kynnst þessu fyrirbæri og ætla ég mér aldrei að hætta... Ég meina, pælið hvað er gott að geta flétt aftur í tíman og fundið akkúrat dagsetninguna sem ísskápurin manns sprakk... Vitið þið hvenær ykkar ísskápur sprakk...? Nei, hélt ekki...
Til hamingju með afmælið blogg... Skál...!

Posted 4:40 e.h. by Unknown
Ég trú ekki að mér tókst þetta aftur... Datt í mega bloggleysi á ný... Það gæti kannski verið vegna þess að síðasta vika var 96 klst vinnuvika... Ég sem hafði frá nóig að segja... Til dæmis brjálæðislegs aftaníníðslu sem bílaumboð eru að taka okkur í gegnum pústurröðið...
Það er vesen með læsinguna á bílnum okkar og bilanagreiningin var að litlilæsingarkubburinn á lyklinum sem opnar og lokar væri bilaður... Þeir voru glaðir að láta okkur fá nýja... Ekki nema rúmmlega 50.000 krónur (no joke (þetta væri jafnvel of mikið í ítölskum lírum (ef þið munið ekki eftir "lírum" þá eruð þið of ung til að vera lesa svona blogg)))...
Ég bjallaði í neytendasamtökin (stoltur meðlimur) og spurðist fyrir og þau sögðust ekkert geta gert þrátt fyrir mjög margar kvartanir um svona... Það er frjáls álagning á þessari vöru...
Þá spyr ég... Hvað í ósköpunum réttlætir að þetta kosti 50.000...? Gemsar með GPRS, 3G, bluetooth, email, myndavél, GPS of fleira eru á 25.000... Lítill pungur sem opnar og lokar hurðum er tvöfallt það...?
Hvaða stórmerkilega tækni getur verið svona dýr...? Þetta er kannski umfram tækni... Eflaust rándýrir töfrar... Þeir hafa beislað óisýnilegan draug við tækið sem sér um að opna og loka bílnum fyrir þig þegar þú ýtir á takka... Miklu betri en 1990 árgerðin sem var með önuga dverga sem allir sáu...

Posted 12:21 e.h. by Unknown
Ef eitthvað er hvati til að blogga, það er að vera síðustu færslu um kryddleginn viðrekstur... Maður vill nefnilega ekki hafa einhverja minntuprumpspælingar hangandi uppi í marga daga meðan maður trassar að skrifa eitthvað tignarlegra... Eins og... eh... umm... ah... Vissuði að xylitol er laxerandi...? Betra að borða því bara minntu... Það gefur líka svo skemmtilegar aukaverkanir svo sem góð lykt af... æj, svei... ekki aftur...

Posted 3:56 e.h. by Unknown
Vá hvað er lítið að gerast hjá mér þessa dagana... Maður er bara sem biluð breiðskífa, föst í sömu rákinni, með sama mynstrið dag frá degi... Lítið nýtt að frétta og engar óvæntar uppákomur í tilverunni...
Jú að vísu, ég var að læra eitthvað alveg nýtt... Sko, um helgina gerði ég megamintumareneringu á lambalæri á laugardegi... Át ég svo meiri mintumeme afganga í laugardagshádegi og svo gerði enn og aftur réttinn á sunnudagskvöldi...
Fyrir utan að vera einstaklega vel mettaður af mögnuðum rétti þá hafi öll þessi minta jákvæðar aukaverkanir á líkamnleg loftköst... Það var nefnilega bara ferskur andblær á aftansöngnum... Kom manni alveg á óvart... Ég hugaði fyrst "hver prumpaði á jólatré?"... Bara eins og einhver væri með Fabreeze spreybrúsa... En þetta var bara manngerður gerfiilmur (ekki prenntvilla á "gerfilimur") og skemmtileg tilbreyting á venjulegum vindleysingum...
Þá vitiði það, næst þegar þið þurfið að hitta drottnginuna (þá bresku sko (þær skandinavísku hafa betri kímnigáfu (og verri lyktarskyn)))...

Posted 10:43 f.h. by Unknown
Ég er heimsins versti bíðari... Óþolinmæði styttri en helmingunartími Ununhexium (ca. 60ms) hafði samt þolinmæði að flétta því upp)... Eru því þetta búnir að vera langir og strangir dagar í að nýji blurey spilari minn dettur í hús... Versta er að einn og einn hlutur tengdir honum eru að poppa inná póst, svona sem vel stráðar spælingar, því allir hluturnir eru algjörlega ónothæfir án spilarans sjálfs sem er síðastur í heimahöfn...
En það styttist vonandi (þó það lengdist á tímabili (bévítans villur í útgáfudögum á Amazon))...
Það er samt að vera frekar plásslaust í sjónvarpsskápnum mínum... Fékk ég þá, þá snilldar hugmynd að gefa bara DVD spilara minn og setja nýja tækið þar í staðin... Enda þarf ég ekkert á DVD spilara þegar Bluray spilarinn spilar þá diska líka... Er ég meira segja búinn að hringja í bróður minn sem á ónýtann spilara til þess að tilkynna honum að hann má eiga minn... En... Svo kviknaði á fattaranm... Það er alþjóðlegt læsingarkerfi á Bluray spilaranum sem er ekki á DVD spilaranum... Ég get bara spilað diska frá Evrópu... Vill ekki betur til en 95% af DVD fjallinu mínu er frá USA...
Ehhh... Á þá einhver DVD spilara handa mér til að gefa bróður mínum...?

Posted 1:29 e.h. by Unknown
Mikið er ég ánægður með að hafa kynnst, ekki bara einu, heldur tveimur Kús í vikunni... Eitt er nefnilega alls ekki nóg ef maður ætlar að fá sér Kúskús, meðlæti sem er svona brjálæðislega gott, einfallt og fljótlegt... Ég gat mallað það heima auðvita, en best var að ég gat líka púslað því saman í vinnunni, bara með vatni úr kaffivélinni...
Nú verða hrísgrjón að víkja sem mitt meðal meðlæti... Held samt að kúskús séu að vísu hrísgrjón, nema skorin í tvennt... Þversumt, ekki langsumt... Enda vory heil hrísgrjón upprunalega kölluð kúskúskúskús, og þetta bara einföld stærðfræði...

Posted 12:38 e.h. by Unknown
Þá er síðasta fríhelgi mín fram að... eh... lok maí (?), afstaðin... Semsagt helgi sem telur vinna á föstudagskvöldi með... Það er vegna þess að Logi í beinni er að bresta á með sínar hefðbundnu útsendingar á þeim kvöldum... Að því viðbættu er búið að biðja mig um að klippa einhverja stofu þætti kennda við spaug... Þeir eru sýndir á laugardögum, þannig ég er eflaust ósjaldann ræstur snemma þann dag til að klára þann þátt... Í raun er ég næstum fastur í harðrammi forræðisdeilu milli þessara tveggja dagskrárliða þannig til að þóknast báðum eru framundan laaaaaangir dagar...
Var því fínnt að ná einni ágætis slökun þessa helgi... Föstudagur var út að borða með afmæliseiginkonunni og sæng snemma uppí sófa... Á laugardegi var ætt út í villtu landsbyggðina... Æddu í afmæli í bæ á Reykjanesinu og áttum þar hótelgistingu til að geta tekið tjúttið aðeins alvarlega... Kvefpest dreyfði athyggli minni frá timburmönnunum sem voru að vinna hörðum höndum á yfirvinnu, og var það ekkert skárra... Svo endar þetta með smá tuðrusparksútsendingu og svo meira sófastuð... Fýraði upp græjurnar í sjónvarpsglápi þannig það eru komnar steypuskemmdir í nærliggjandi hús...
Nú er bara að bretta upp ermarnar (mætti í stuttermabol til að flýta fyrir því) og takast á við megavikurnar framundan... Sjáumt næsta sumar...

Posted 2:16 e.h. by Unknown
Mikið er ég pínu spældur að komast ekki til Eyja (Vestmanna-) á sunnudaginn... Það átti að verða ein stutt útsending, en léttur og langur dagur sökum ferðalags í góðum félagsskap, en því miður eins og Herjólfur strandaði þau áform...
Ég meina, hvernig fór fólk að því að byggja svona lélega höfn...? Of grunnt til að landa helminginn af tímanum, smá vindgöla skilar þriggja metra ölduhæð og það má eflaust ekki einu sinni sturtu úr tveimur kömrum í einu við bryggjuna, því þá verður of straumhart til að sigla í land...
Á sandi bygði heimskur maður hús, en hversu vitlaus þarf sá að vera sem fékk sama hálfvitann til að byggja bryggju þar líka...?

Posted 6:15 e.h. by Unknown
Ég væri enn að sleikja sár helgarinnar ef ég væri ekki að sleikja út um af næringu hennar... Eftir ofur rólegt "sofna undir sæng uppí sófa" kvöld var vaknað snemma og brunað í ræktina... Maður þurfti nefnilega að koma sé í andlegt og líkamlegt fyrir átökin framundan... Það var hin árlega Ölympics keppni...
Hún var aðeins minna í ár en undanfarið, enda Durgarnir og Durga áhangendur dreyfðir um hvippinn og hvappinn... En fjórir er tala sem hefur loðað við Ölympics og voru fjórir að keppa... Ekki fjórir hópar eins og nokkru sinnum áður, heldur fjórir einstaklingar... Var því dregið í lið lennti ég með Ölympics hreinsveini á móti tveimur vel vönum fyrrum dómurum...
Eftir hatramma baráttu sem var frekar einstefnuleg, þá bar hitt liðið sigur úr bítum (sopum)... Enda var voða erfitt að slá við köppunum þegar maður lendir með keppanda sem getur ekki lokið sumum greinunum... Ekki það að ég sé eitthvað bitur... Þetta var skemmtileg stund út í náttúru Íslands með góðu fólki... Maður hefði líka rústaði þessu í einstaklingskeppni, og það veit maður í hjartanu (og lifrinni)...
Svo hélt bara gleðskapurinn áfram og áfram og teygði hann anga sína inná ýmis ölkeplduhús bæjarins...
Sunnudagurinn fór hinsvegar ekki í hina skyldubundna slökun sem fylgir vanalega Ölympics... Það var ræsing snemma fyrir ræstingu á húsinu... Nokkrir gestir voru að fara bera á garð í sushigerð, þannig allt fór á fullt og gat maður huggað timburmennina með tilhlökkun um yndislegan þynnkubanakvöldmat...
Eins og vanalega skaut ég vel yfir markið í matarmassa og bar borðið að sligast undan sjávarréttunum ásamt hálfum her að hænuhöndum sem ég vippaði saman ef það væri ekki nóg af sushi...
Átti ég því ofur afganga fyrir hamingjusamt hádegi og sælkeralegt síðdegissnarl á fyrsta degi nýs vinnuviku... Og heima bíða hænurnar eftir að ég komi og klári að naga á þeim neglunar... Nammi namm...

Posted 10:38 f.h. by Unknown
Var að pannta mér Blu-ray spilara... Vanntar náttúrulega þannig til að spila og prófa allt efnið sem ég er að vinna í...
Ég keypti alveg sérlega tæknivæddan spilara með löngu og flóknu nafni...:
Powerful
Lazer
Accessing
Your
System
That
Amplifies
Trauma
In
Other
Nerds
Thrice...
Skammstafað: PLAYSTATION 3... Vona þetta standi undir nafni...

Posted 12:35 e.h. by Unknown
Ég hef nú lennt í lélegri tónlist í spinning en þessi í gær sló öll met... Það var eins og einhver hafi tekið píkulegasta píkupoppið úr vagínuvörulistanum og endurblandað í estrógeni yfir tussulegurstu tóna sem heyst hefur... Ef það hefði ekki komið eitt lag frá meisturum Musa þarna í miðjunni, þyrfti ég að pissa sitjandi í viku...

Posted 12:45 e.h. by Unknown
Nú er líkamsræktin komin á fullt... Svo fullt að ég varð að kaupa mér auka sett af írþóttafötum í gær... Hef nefnilega einstakt lag á því að gleyma stuttbuxum annarsstaðar, og þá bara þegar ég er úti á landi... Hægt að rekja ferðasögu mína með stráfelldum brókum um standirnar...
Ég fór í Útilíf í Glæsibæ í leit minni að nýjum flíkum og vappa um í karladeild en finn ekkert... Loksins sé ég nokkrar stuttbrækur og renni til herðatrjánum (í raun mittistré) í leit að minni stærð og finn síðasta parið af XL (ófeiminn að segja það, enda væri ég ekki í átaki ef ég væri minn stærð)...
Ég ætlaði bara að kaupa þær strax en hugsaði að það væri vissara að máta þær fyrst... Ég fer í skiftiklefann, strippa og vippa mér í brækurnar... En það var eitthvað flipp þetta vipp því upp vildu brækurnar ekki... Oh my god... Passa ég ekki í XL, hugsaði ég, og hjartað sökk í buxnurnar (eða reyndi (það var ekki pláss))...
Ég labba fram og hendi frá mér buxunum... Best að kíkja þá í Seglagerðina... En þá kallar afgreiðslukonan á eftir mér... Afsakið... Varst þú að máta drengjabuxurnar...? Ehhh...
Meiri vitleysan að hafa þær hangandi þarna sem reglubundinn óviti getur slysast í... Fékk þarna 1-2 högg á egóið... Fyrst var ég of stór fyrir XL buxur og svo of vitlaus til að sjá þetta var barnastærð... Ég var bara eins og hver annar hnakki í bíó á leið á The Expendable um kvöldið (meira eftir smá)...
Konan kom og sýndi mér nokkrar brækur í fullorðinsstærð og fann ég einar glæsilegar og keypti bol í stíl... Svart, með hvítum og rauðum rákum... Lít út eins og Batmanbíllinn nema ekki eins straumlínulaga og sparneytin... Er mun hættulegri samt...
Æddi ég þá í bandí, tvíefldur af fatatvennunni nýju... Að bandí loknu var svo séns á að kíkja í bíó sem ég og gerði... Stefnan var teki á Scott Pilgrim Vs. The World í annað sinn (AWE-some mynd!)... En leiðin í bíó var löng þar sem fyrir framan mig var löng röð út að dyrum sem samanstóð nær eingöngu af tribaltáttúveruðum tröllum sem áttu bara efni á þriðjudagsbíó því allur peningur þeirra fer í fæðubótaefni... Gaurar sem ekki beinlínis sitja neðarlega á viskutrénu, heldur frekar hafa grafið sig undir það og naga í ræturnar... Klessar við þá voru svo sprey-tan reyktar skinkur sem svöruðu öllum eins atvæðis setningum rumanna með æj, þú veist, eða eitthvað... Saman gætu þau ekki stafað "bíó" með þremur vel völdum Scrabblekubbum... En sem betur fer lá leið þeirra alla á The Expendables (nýja Stallone myndin nefnd eftir fullorðinsbleyjum hans) og var því ekki uppseltt á Scott Pilgrim... Þau hefðu hvort sem er ekki skilið myndina, hvað þa bíómiðan sem á stóð "Salur 2" því þau hefðu aldrei geta talið það hátt...
Myndin rokkaði í annað sinn og sofnaði ég sæll með syndandi myndir af skemmtun kvöldins...
Góðan daginn harðsperrur...

Posted 12:57 e.h. by Unknown
Fékk mér í fyrsta sinn í langann tíma rækt í morgunmat... Þið vitið, svona líkamsrækt... Nammi namm... Vona ég fæ mig ekki saddan af því... Hef nefnilega alltaf farið í rækt eftir vinnu, en ef horfir sem fer, þá verður sá tími ekki mikill á komandi mánuðum...
Því var upplagt að taka bara snemmelsið á þetta... Allir að lofsyngja því... Segjast koma svoendurnærð í vinnu... En það hlýtur að vera algjört kjaftæði... Maður er ekki búinn að sitja bak við tölvu í meira en andartak þegar ég byrja að leka niður úr sætinu eins og ísmoli í eldvörpu... Það er rétt að maður hafi orku í að ýta niður á lyklaborðið... Það er bara þökk sé þungum heila... Teypaði prik við ennið og er að merja það í takkana í von um að ná að klára blogga á minna en 5 klukkustundum... Fyrir einskærri tilvoljun sofnaði ég að "z", þannig það kom bara zzzzzzzz, en svo sofnaði ég aftur á "backspace" takkanum og varð að skrifa bloggið uppá nýtt...
Anywhoo... Eins og allt sem tengist líkamsrækt þá er "morgunleikfimi = hressleiki" lýgi... Úff, svo bandýæfing í kvöld... Hver vill ýta mér í innkaupakerru...?

Posted 12:42 e.h. by Unknown
Ég er stundum ekki alltaf með athygglisgáfuna stillta á hæðsta... Í raun held ég að oftast lölli hún bara í hlutlausum og hrekkur bara í gír einstöku sinnum inná milli... Ég var allavega ekkert að taka eftir einu svo augljóslegu í einum kokkaþætti sem ég er að klippa...
Það var fólk, blanda af fullorðnum og börnum, að rölta um Heiðmörk að týna sveppi og ber... Með í för var ca. 10 ára strákur sem er frekar sérstakur... Hann var þarna labbandi um þúfurnar og tréin og var alltaf að detta... Lítil börn voru þarna hoppandi og skoppandi án vanda en hann tók varla nokkur skref án þess að hrynja niður í næstu laut... Maður var svona byrjaður að hlægja að þessum ofur klaufa og klúðurslega klöngrinum hans sem endaði alltaf með skell...
Eftir að hafa hlegið að þessu í hálfan vinnudag fer ég í mat og spjalla við samvinnufólk mitt... Þegar ég kem tilbaka ætti ég að klára klippa eitt viðtal þarna við blinda strákinn... "Blinda strákinn?" spyr ég... Já, þessi þarna með blindra stafinn... "Ehhhh..."... Þarna kviknaði loks á fattaranum...

Posted 3:52 e.h. by Unknown
Það eina sem er meira pirrandi en vírusa á tölvum, eru vírusvarnarforritin... Vírusinn er allavega einhverstaðar í bakgrunninum að fela sig og láta litið fara fyrir sér en vírusvarnarforritið er eins og amerískur öfgahægri fréttamaður... Stanslaust hrópandi og kallandi yfir yfirvofandi hættu sem gæti leynst í kringum þig...
Var að fá mér nýjan laptop með innbygðri vörn og hún heldur bara ekki kjafti... Á fimm sekúnda fresti kemur einhver tilkynning...
Núna er hún að heimta að ég skrái mig sem notanda... Ég get bara gert "OK" eða "Seinna"... Ég get ekki sagt "nei"... Ég vill alls ekki segja "OK", því þá segir forritið "Nú eru 60 dagar eftir af prufutímanum", svo stuttu seinna "Nú eru 59 dagar, 23 klst, 59 mínútur og 55 sekúndur eftir af prufutíma þínum" og "Nú eru 59 dagar, 23 klst, 59 mínútur og 50 sekúndur eftir af prufutíma þínum"... Svo er forritið stanslaust að biðja um nýjustu uppfærslu á víruslistanum... Listinn má ekki vera eldri en andardráttur minn, því þá þarf ég að ná í nýja skrá... Svo er forritið að skamma mig í hvert sinn sem ég kíki á netið, les póst eða snerti shift takkann... Síðan er allt víst vitlaust stillt í tölvunni samkvæmt forritinu og einnig heimtar það að endurræsa tölvuna oftar en upptrektur leikfangabíll og ég get ekk sagt "nei" við því, heldur aftur bara "OK" eða "seinna"... Ef ég reyni að gera eitthvað, þá segir forritið að ég sjálfur sé vírusinn, lætur tölvuna taka mynd af mér og sendir hana svo á interpol á top 10 tölvuhryðjuverkamannalistann... Ég er kominn í 5 sætið þar og vill ekki fara ofar...
Maður er bara í algörlega í einræðishaldi ofsóknarbrjálæðs forrits og reynir að komast af með smá laumu%#$&!*@Góður dagur. Ert þú búinn að prófa McAfee Vírusvörnina í dag. Vírusvörn vinur. Blogg ...

Posted 12:54 e.h. by Unknown
Eftir að hafa átt alveg yndislegt frí síðustu daga, var ég rifinn úr því hálfum degi fyrr en ég bjóst við... Ég var nefnilega búinn að tilkynna fjarveru einhverja daga og afþakka nokkrar útsendnigar, en mundi ekki alveg hvað lengi... Ég kíkti því vel á tölvupóst minn til að vera viss um að það væri nú engin tilkyning um mætingu í útsendingu á sunnudeginum... og svo var ekki... eða allavega ekki í mínu venjulega pósthólfi...
Konan sem sér um að smala fólk til vinnu var að koma úr barneignaleyfi og sendi póst á gamallt netfang... Fyrir vikið var ég kominn með annan olnbogan lang ofan í marenstertu í barnaafmæli þegar skyndilega er hringt í mig og spurt af hverju ég er ekki ennþá kominn á völlinn... Útsendingin hefst eftir 10 mínútur...
Maður var staddur í Vesturbænum og það væri nú óskandi að leikurinn væri hjá KR eða Val eða einhverju svona nærliggjandi svæði, en nei... Leikurinn var auðvita í Hafnarfirði og ég varð að bruna af stað..
Ég æði gegnum nágrannabæina og kemst lok að Kaplakrika akkúrat þegar útsending er að hefjast... Ég stoppa við hliðið við upptökubílinn þar sem við tökuliðið förum vanalega inn en það var keðja þar... Eina leiðin inn var að hlaupa í kringum allt svæðið, inní félagsheimilið, gegnum göng þar, út á völl og allan hringinn tilbaka... Það tæki heila eilífð og við erum eflaust komin í loftið...
Nú voru góð ráð dýr... Sem betur fer fann ég misgóð ráð á tilboði og notaði þau... Ég slengi mínum litla líkama uppá vegg og byrja að hífa... Anna kemur úr bílnum og leggur hönd á plóg (fót) ég næ þarna með herkjum og rispum að klífa vegg og skutla mér niður hinu megin, bara millimetrum frá því að detta og fljúga niður brekku á völlinn... Ég tek til fótana og skokka að upptökubílnum... Sé ég þá auðvita að einn af tökumönnunum er búinn að vera beina kameru sinni að mér allan tímann... Sem betur fer var þetta ekki í útsendingunni, en það var ekki maður í upptökubílnum sem sá ekki misléttu loftköstin hjá mér... Fékk ég að sjá þau í endursýningu nokkrum sinnum þann dag og eru þau nú víst geymd á spólu...
Að útsendingu var mikið hlegið að þessu... Sko ekki því sem ég hef minnst á hingað til... Það var eitt að þurfa í skyndi að æða alla leið í Hafnarfjörð til að rétt ná leiknum... Annað að koma svo að hliði með keðju og þurfa þá að klifra einhvern vegg með herkjum... Þriðja var auðvita að allt var tekið upp á góða myndavél og spilað aftur og aftur... En það sem fólk hló mest að, var að hliðið var í raun ekkert læst... Keðjan kvíldi bara þarna á og var því fjölfatlaða fimleikasýningin algjör óþarfi... Já, það fannst þeim fyndið...

Posted 10:08 f.h. by Unknown
Þetta var nú viðburðarlítil löng helgi... og það var viljandi... Super mega technofrí uppí sveit, þar sem maður var annað hvort bak við grill eða útí potti... En það var smá macho hamagangur í upphafi þegar Durgamótið í golfi fór af stað... Á Selfossvelli í glampandi rigningu mættu til leiks nokkrir golfbrúkandi Durgar og áhangendur þeirra... Dregið var í lið og svo ætt af stað í 18 holu óvissu... Þetta byrjaði ekki vel (jú í raun rosa vel húmorslega) því nær allir kylfingar skutu út af í fyrsta höggi (fyrir utan einn sem fór bara 2 metra og var það högg því notað)... Einn náði meira að segja rúmlega 90 gráðu slice á fyrsta drive að golfskálinn varð fyrir höggi... Ein smá saman liðkast menn eftir því sem þeir blotnuðu meira að innan... Við urðum nefnilega að halda jafnvægi við hvað við blotnuðum mikið að utan og var þetta erfitt kapphlaup sem við kláruðum með prýði... Og nokkuð mörgum tímum síðar kláruðum við allar átján holurnar rakir á alla boga og fögnuðum úrslitum hvernig sem þau nú fóru... Enda er þetta ekki svo mikið leikur um keppni, heldur bara góður félagsskapur í göngutúr að lemja í kúlur einstökum sinnum... og það var sko gert en misvel... Besta höggið mitt var í raun ekki í miðjum leik, heldur í svona hliðarspori sem við tókum alveg í blá lokinn... Við vorum búnir með síðasta drivið á síðustu brautinni en manni langaði í smá meira... Ég var búinn að renna hýru auga á ofur driver sem Ingi Durgur var með... Svona huge skeppna sem keyrir á hráolíu og er stærri en fyrsti bíllinn minn... Ég spyr hvort ég fæ nú ekki að munda skeppnuna í einu góðu höggi, sem ég og geri í öfuga átt við brautina, semsagt beint yfir ánna þarna (segjum bara Selfossáin)... Ég tek eina massa sveiflu og *vaPhúmmm*...! Hálf myrti boltann... Hann flaug og flaug og flaug og endaði þarna yfir ánni og eflaust í næstu sýslu... Hinir reyndu að leika þetta eftir en allir hurfu þeir sem óheppnir ferðamenn í ánni og hurfu út á sjó...
Ég átti svo eitt drive í viðbót að leik loknum og það var beint í fangið til strákanna... Málið var að á síðustu holunni erum við að leita að einni kúlu og ég sé hana þarna hálf grafna í jörðina... Gunni Palli makker minn kemur og segir að þetta sé ekki kúla sín... Í raun er þetta ekki kúla neins, því þarna er ég að horfa á svepp... Sá ég þá að þetta var stórmyndarleg og alveg hringlótt gorkúlusveppategund... Mannleg mistök auðvita (ef maður væri hálf blindur (eða lesblindur (gorkúla/golfkúla = potayto/potato)))... Var þá upplagt að bregða aðeins á leik með golfkúlueftirhermunni... Við klárum holuna síðastir og löbbum að hópnum sem stendur í gólfskálanum... Ég stilli mér upp aðeins í burtu, kalla til þeirra og sýni sveppinn/kúluna og segist ætla að skjóta til þeirra... Þeir halda ég sé auðvita að djóka, en brosið rennur af þeim þegar þeir sjá mig taka tee (tí?) uppur vasanum og leggja sveppkúluna á og stilla mér upp til þess að drivea til þeirra... Þeir hrópa allir til mín, "Raggi ekki", "Ertu galinn", "Hvað ertu að gera" (svona þetta týpíska sem fólk hrópar til mín) en ég hunsa það og hamra... *vaPhúúmmm!*... Strákarnir beygja sig og bregða fyrir höndum en sveppurinn náttúrulega fór í öreindir á staðnum... Hohoho... Algjör sveppur...
Góður endir á Durga golfmóti... Hlakka til aftur að ári... Vona uppskeran verði fín þá...

Posted 1:12 e.h. by Unknown
Löng helgi framundan... Hversu löng...? Tja, kannski svona níu daga... Ég og Anna ætlum að flýja smáborgina í kvöld og æða í smábæinn... Ég hefði eytt næstu 168 klst í náttbuxum eða sundskýlu, en það er gert hlé á þeirri tískusýningu á morgun með all svakalegri golfkeppni... Durgar Open 2010... Þarna verða saman komnir nokrir misfærir kylfusveiflandi Durgar og svo vinir og kunningjar sem þykjast eiga roð í þá... Fyrirkomulagið er "Texas Scramble" (eða eins og þeir kalla það í Texas, "Scramble") þar sem tveir og tveir eru paraðir saman, báðir slá frá sama punkti og besta höggið notað... Þetta var einstaklega skemmtilegt í fyrra og reikna ég með jafn mikilli ef meiri ánægju í þetta sinn... Nú er bara að vona að það hangi þurrt... Að utan sko... Ef ég þekki mína Durga (sem ég geri) þá verða þeir assskoti blautir að innan... Skál fyrir því...
Þannig já... Annað flott frí framundan... En týpísk... Maður tekur sér erlennt frí og þá var bara sól á Fróni... Innlennt frí framundan og það er spáð rigningu alla vikuna... Guð sé lof fyrir vatnshelda heitapotta...

Posted 10:48 f.h. by Unknown
Fór á fyrsta sinn á "völlinn" í gær á landleik í fótbolta... Fór í raun tvisvar... Var að vísu að vinna en þetta var samt framför... Tja, OK, hef farið á kvennalandsleik, en þarna voru svona stóru strákarnir að spila... eða svo ég hélt...
Ég hef nefnilega bara aldrei séð eins leiðinlegann leik...
Dagurinn byrjaði mjög vel fyrir Ísland... Fyrst voru litlu strákarnir að leika (undir 21 árs landsliðið) og grófu þeir svo svakalega yfir Þýskaland, að Evrópumeistararnir ætla að reyna fyrir sér næst gegn A-liði pollamótsins í Eyjum,...
Allir koma að þeim leik í massa stemningu niðrá Laugardalsvöll þar sem Ísland var að fara mæta Lichtenstein... Land sem er svo fámennt að það er á við Kópavog + gestir Smáralindar á rólegum degi... Land sem er það lítið að það er ekko pláss fyrir heilann fótboltavöll þar... Hann liggur yfir landamærinn... Eina ástæðan fyrir að þeir gengu í Evrópusambandið var svo að þeir þurftu ekki að spila með vegabréf þar til þess að sýna og fá stimpil þegar þeir fóru yfir miðju...
Og hvað gerist... Jafntefli... Eins og að fylgjast með svefngangandi valíumbryðjurum í blýskóm... Meiri vonbrigðin... Ætla að halda mér við kellingarnar... Nei, fyrirgefið... Meinti Kvennalandsliðið... Kellingarnar voru með jafnteflið við Lichtenstein...

Posted 12:44 e.h. by Unknown
Maður gleymir sem enn a við í viðhaldi á blogginu... Annasamir dagar leiða til hraðblogga í hádegismatnum... Hugsunarlaust hrip um það sem drífur mig á daginn... Nú síðast var klassa helgi að klárast... Rólegt föstudagskvöld því maður var að safna orku í the the big Gay Day... Byrjum á hádegi í grilli hjá lillu sys, þar sem maður mætti með hjemmalavaðann hamborgara svo hlunkóttann að hann beyglaði grillið... Sérhnoðaður eftir eigin uppskrift, fylltur með gráðosti og toppaður með parmaskinu... Hinir hamborgarnir skömmuðust sín svo mikið að þeir dulbjuggu sig sem pulsur...
Svo var farið og horft á skrúðgönguna og tekið þátt í dagskrá dagsins...
Að kvöldmat loknum hófst Mojito vinnsla af háum kaliber og svo öl brúk... Leiddi þetta í aðra veislu og svo hýra ferð í miðbæinn þar sem karíókimækur var mundaður uns það bræddi úr honum... Sunnudagur var svo slakur, því maður var að halda uppá tveggja ára brúðkaupsafmæli sitt... Mega kózý stund sem átti að leiða út á veitingarstað, en kózyheitin voru svo ljúf að við lögðum ekki í að yfirgefa heimilið... Í staðin var bara langelduð nautalund látin malla allan daginn eins og við og rómantísk máltíð framborinn af herramanningum handa heppnu eiginkonunni... Svo var aftur grafið sig inní sæng uppí sófa fram á nótt og fram undir morgni... Fullkominn endir á fullkomnri helgi... Svei mánudegi...

Posted 9:46 f.h. by Unknown
Mikið var nú fínnt í Eyjum... Í raun allt of fínnt... Yndisveður og blankalogn... Héldum við værum á vitlausri eyju...
En Adam var ekki lengi í paradís (stupid Eva) og vorum við snöggir að snúa heim í land... Við fórum samferða öllu FH liðinu í leiguflugi á svona týpískri Fokker vél (typical Fucker thank you very much), og þó svo hún ekkert svo stór, þá er samt betri rými fyrir mann h eldur en í Iceland Express sardínudósunum... Þetta var meira svona makríldós...
Flugfærið var gott, en sökum smæðar er hver ókyrrð í lofti mun stærri og gat maður ekki annað en þegar maður er umkringur heilu fótboltaliði í svona stöðu annað en að hugsa um myndina Alive... Þið vitið, þar sem fótboltalið endaði uppá fjöllum og þurfti að nærast hver á öðrum... Ætli góður þjálfari sé viðbúinn svona aðstöðu...? Hann náttúrulega þekkir leikmennina best og veit hverjum má fórna... Reikna með það séu nokkrir varamennirnir sem fara fyrst... Sérstaklega þeir sem hafa hvílst lengst... Þá eru þeir ekki eins seigir undir tönn... Svo var þarna annar fótboltatvíburana (Arnar eða Bjarki (Potato Potahto))... Hann tognaði í leiknum og er því gagnslaus næstu daga og því óþarfi að láta hann sleppa... Í þokkabót er hann tvíburi þannig það er alltaf til annars eins þegar við erum búnir með þennann... Svo væri vissara að matreiða flugmanninn... Það var hann sem kom okkur í þetta vesen... Svo frá okkar hálfu sem tókum upp leikinn þyrfti að velja einhverja líka... Við erum með fjóra kamerumenn og tvo tæknimenn og væri eflaust hægt að sjá eftir einum af hvoru... Það er bara einn mixermaður (sem ég er) og myndi það bara valda veseni uppí Sagafilm að finna eins færann staðgengil þannig ég ætti að vera hólpinn... Plús, ég er auðvita klikkaður kokkur ("klikkaður = góður" (ekki "klikkaður = geðveikur" (þó svo ég er að tala um mannát)))...
Þá held ég að við séum nokkuð vel settir...
Á matseðlinum er...:
Nuddaður varamannavöðvi...
Tvíburatvírifjur...
Flamberaður flugstjóri...
Kamerumannakótilettur...
Tvíbaðakur tæknimaður á teini...
Svo væri hægt að gera salat úr grasinu milli takkana á íþróttaskónnum... Fullkominn máltíð... Namm, hvenær er næsti leikur...?

Posted 10:04 f.h. by Unknown
Haldiði að maður er ekki að fara prýða Vestmannaeyjar á eftir... Hef ekki brugði fæti þar síðan á síðust öld (Þjóðhátíð 1999) og þá var nú brugðið meira en fæti skal ég ykkur segja...
Þetta er samt stutt heimsókn... Bara inn/út ferð (margir fara til Eyja í von um inn/út ferð (notið smokk því annars fáiði inn og svo útferð))...
Tilgangurinn að þessu sinni er að taka upp fótboltaleik... Gefst því lítill tími til neins annars en uppsetningar, upptöku og frágangs... Flýg heim aftur í kvöld, varla búinn að jafna mig fyrstu líkamsleit landamæravarða þeirra áður en maður fær aðra... En ég fæ tvo stimpla í vegabréfið og tollinn... Aðal ástæðan fyrir að vilja fara náttúrulega...

Posted 9:57 f.h. by Unknown
Þá er maður loksins kominn úr fríi, vel nærður af öndum... Í raun kom ég fyrir helgi, en maður var svo svakalega slakur að ég hafði enga löngun til að hreyfa hvorki legg né lið þar til maður neyddist til að skríða í vinnuna í gær... Að sama skapi átti ég því auðvita að blogga eitthvað í gær en maður var bara stein búinn að gleyma að maður hafði skessum gyldum að þegna... Enda tendraði ég ekkert á tölvunni allan tímann...
En hér er ég núna tanaður í drasl... Ekkert smá ljúft þarna á Spáni... Í stuttu máli sagt fullkomið frí, en lengra mál sagt um ferðina verður að bíða smá þar sem það er meira en nóg að gera í vinnunni og verð ég að ná sönsum á raunveruleikanum á ný... Gæti reynst erfitt þar sem ég er enn að ná myntulaufum úr munninum eftir mojito mareneringu síðustu daga...
Sagði þetta væri gott frí...

Posted 11:28 e.h. by Unknown
Þá er bara alveg næstum því komið að fríinu mínu... Þar sem þyrstir lesendur hafa ekkert fersk á næstu tveimur vikum til þess að svala þorsta augnanna, þá hef ég loksins sett á netið Wipeout ferðasöguna mína... Tja, í raun keppnissögu... Fyrstu persónu lýsing á því sem maður upplifði hinum meginn við miðbaug...
Ég skrifaði þetta fyrir löngu síðan, langt á undan útsendingu, en trassaði að setja á netið, því fyrst mátti ekkert segja, og svo þegar eitthvað mátti segja þá stein gleymdi ég því að ég hafði eitthvað sagt...
Ég meira segja er ekki búinn að lesa þetta sjálfur... Gerði bara copy/paste í einhvern váfrara glugga og lét það nægja...
Vonandi heldur þetta ykkur svöluðum þar til ég sest bak við lyklaborðið á ný...
En þangað til...
Ekki neitt... Ég er farinn í frí...

Posted 11:09 f.h. by Unknown
Það styttist í Spánarferðina... Alveg nóg að gera þangað til og gáfulegt væri að gera svona langann og nákvæmann "to do" lista fyrir ferðina... Ég náttúrulega fylgi ekki gáfunum (eins miklar og þær eru) ef eitthvað skemmtilegra er í boði, og finnst mér mun ánægjugefandi fyrir mig að gera "not to do" lista, því hann er stuttur og hnitmiðaður...
Not to do:
1. Vinna...
2. Fara á internetið...
3. Tala í síma...
4. Lifa í hófsemi...
Ekki flókið og ómögulegt að klúðra þessu... Ef ég geri það, þá klúðra ég fríinu... og ekki viljum við það...

Posted 10:15 f.h. by Unknown
Þá er HM loksins búið... Eins gaman og þetta var, þá er ég ekki frá því að þetta hafi rænt frá manni helmingnum af sumrinu... Núna þegar maður lítur upp frá sjónvarpinu, sér maður að það er komið mið júlí...
Ég átti ekki árangur sem erfiði í HM pottunum sem ég tók þátt í, enda eru engin erfiði í að giska, og því enginn árangur...
En HM endaði í tárum... Gleðitár hjá sigurvegurum og sorgartár hjá öllum þeim sem töpuðu... Ég á ekki við hollenska landsliðið... Það fær silfur medalíu... Ég er að tala um alla karlmennina sem voru spenntir eftir að nokkrar hollenskar klámmyndastjörnur stæðu við loforð sitt... Þeir gráta söltum tárum, en ég held að klámstjörnunar brosi breitt (þó ekki eins breitt og þær myndu geta ef þær hefðu þurft að standa við loforðið)... Til allra huggunar fyrir fótboltagraða karlmenn, þá var hin heimsfrægi og spádómsrétti kolkrabbi einnig búinn að gefa loforð ef Spánn ynni... Hann sagði handjob á línuna... Þar sem hann er með átta fálmara, þá tekur þetta hann bara nokkra daga...

Posted 1:35 e.h. by Unknown
Þá er ég búinn að afsprengja dekkið á hjólinu mínu... Pops hafði keypt glænýja slöngu, sem ég vippaði í gagnið, dældi fulla af lofti og hjólaði svo í vinnuna í þessari bongó blíðu...
Það er samt að mér finnst einhver búinn að vera óaþrflega duglegur að skreyta öll stræti með glerbrotum út um allt... Er zikk zakkandi eins og 12hz hljóðbylgja í von um að sprengja ekki annað dekk...
Annars er annasöm helgi að bresta á... Í kvöld er matarboð, á laugardag er brúðkaup (þriðja laugardag í röð!) og svo á sunnudaginn er kremið af HM krafsinu búið að krauma upp á topp og komið að útslita viðureign...
Spurning með hvoru liðinu skal halda... Hollandi eða Spáni... Í raun skiptir það mig persónulega ekki svo miklu máli, þrátt fyrir Spánarför mína næstu viku... Hvort sem Spánn vinnur eða tapar þá verða óeyrðir (líka í Hollandi auðvita)... Vona bara að eldarnir verða sloknaðir áður en við komum...

Posted 3:26 e.h. by Unknown
Díses... Voru nýju mjólkurumbúðirnar með smellulokinu hannaðar af skjalfhenntum MS sjúklingi með hiksta...? Það er ekki hægt að hella í glas án þess það flæðir út um allt... Hugsun hans var: "Ef ég get ekki fengið mjólk án þess sulla, þá skal enginn... Muhaha*hikk*...!"...

Posted 10:52 f.h. by Unknown
Maður er búinn að vera hjólalaus alla vikuna út af punkteringunni fyrir helgi... Ég gerð yfir einum HM leik heiðarlega tilraun til viðgerða (í raun éggerð fyrst en svo þurfti ég auka hendur frá öðrum og þá varð þetta viðgerð)... Mér tókst að snara ótoðarðir slöngu og hjólbarða á gjörðina og byrja að pumpa... og pumpa og pumpa... Svo kemur Óli félagi og pumpar af ákafa... Loksins kemur smá loft en það var skamlíft... Í gegnum vuvuselavæl heyrðum við lágt kvísl... Varð þá að vippa slöngunni út og setja hana í vatnsfullann vask og viti menn... Blúbbs, blúbbs... Loftbólur bubbla úr þessu glæsilegu gati...
Er ég því enn hjólalaus uns ég græja reddingu á þessu...
Talandi annars um vuvuzela væl... Það voru hér um bil tvær manneskjur að gera óheiðarlega tilraun til munda þennan óskappnað á Fram-Val leik í vikunni og hljómaði þetta eins og frussandi fíll í astmakasti...

Posted 1:15 e.h. by Unknown
Þá er heimsmeistaramótið að skríða á sinn síðasta legg... Ég er búinn að vinna mikla rannsóknarvinnu undanfarinn mánuði við að grafa upp fáþekktann fróðleik um keppnislöndin og hefur mér tekist að vera alltaf með eitthvað um keppisland dagsins án þess að koma með sama land tvisvar... Er ég í raun þannig búinn að vera að spá fyrir úrkomu HM því um leið og land er komið með fróðleik um sig á netið er ekki líklegt það komi aftur... Ég hef til dæmis aldrei minnst á Spán og Þýskaland fyrr og hér eru þau kominn alla þessa leið... Ég ætla að segja nú smá sem tengist Þýskaland... En þetta þýðir ekki að þeir eru dottnir út því þar sem ég blogga bara á virkum dögum þá er þetta síðasta "Little known fact" keppninnar... Nú er bara að sjá hvernig hún fer...
Little known fact:
FIFA hefur gaman af því að para lönd saman eftir áhugaverðum orðasamsetningum sem myndast á sjónvarpsskjánum þegar liðin eru skammstöfuð... T.d....
Eistland vs. Tunis = EIS-TUN...
Ísland vs. Andora = ÍSL-AND...
El Salvador vs. Kanada = ELS-KAN...
Lesotho vs. Suriname = LES-SUR...
Þrátt fyrir fjölmörg svona dæmi, er þetta líka ástæðan fyrir að Þýskaland (Germany), af kurteislegum og skiljanlegum ástæðum, fær aldrei að ferðast til að keppa við Nigeríu á heimavelli...

Posted 12:39 e.h. by Unknown
Little known fact:
Þar sem Holland er að mestu undir sjávarmáli, þá verður landsliðið þeirra að stunda æfingar erlendis í tómum Ólympískum sundlaugum... Það olli þeim miklu veseni í stórleik á Íslandi á fimmta áratuginum þegar engar Ólympískar sundlaugar voru hér að finna og fóru því allar æfingar fram í gömlu heitu pottunum í Laugardalslauginni... Sóknin var í pott 1, miðjan í pott 2 og vörnin í pott 3... Sökum þrenglsa þá gátu þeir ekki notað leikkerfið 5-4-1 og tóku þeir upp 4-3-3 með sweaper sem þeir settu einn í pott 4... "Sweaper" er nefnilega hollenskt slangur fyrrir "sá sem pissar á sig" og vildi enginn vera með honum í potti...

Posted 10:45 f.h. by Unknown
I can not belivisekki... Það styttist enn frekar í sumarfríið mitt... Það var bjallað í mig í gær frá ferðaskrifstofunni og þeir færðu fríið mitt áfram um einn dag... Fyrir vikið lendum við á beinu flugi til Spánar og engin millilendinga hjá Portugölum... Held það sé vegna þess að Spánn vann þá á HM og þeir hleypa engum flugvélum úr landi þangað lengur...
Er það því núna bara rétt 8 dagar í fríið mitt... Er það því líka 8 dagar í blogg pásu, því það er ekki séns að ég ætla að blogga í fríinu... Það verður ekki einu sinni gjóað á tölvupóst eða önnur form af samskiptum gegnum tölvu... Mér finnst alveg svo hræðilegt, og ég get ekki lagt nógu miklu áherslu á þetta, þegar fólk fer í "frí" og eyðir helminginn af tímanum að segja fólki gegnum netið að það sé í fríi... "Plebbi Plebbason sit á sundlaugabakka og drekkur bjór" statusupdate 2 minutes ago via Mobile Web... Bleh... Þú ert ekki í fríi frá heiminum og heimurinn er ekki í fríi frá þér...
En um leið og dagurinn kemur, þá bara ninja hverf ég... Það verður bara klippt á öll samskiptanet, slökkt á símanum og kúplað sig út úr kerfinu... Ég mun kannski skilja ykkur eftir með hlý orð sem verða að halda ykkur heitum þar til ég kem aftur... En, þegar ég fer í fríið, þá fer ég í fríið...

Posted 3:17 e.h. by Unknown
Mikið var nú langur laugardagur, einkenndur af hressleika og hamingju... Fyrst varð maður vitni af einstefu valti þar sem Þjóðverjar tóku blitzkrig og gerðu argentíska steik að hakki... Fyrir vikið er ég dottinn úr tveimur HM pottum og fer meira en tómhenntur úr þeim...
Svo var stokkið í brúðkaup (nr. 2 af þremur helgum í röð) í laugardalnum þar sem frækið frændfólk fjölmennti í fjörið og stóð það alveg langt fram á heiðskíra nótt...
Það eru að bresta á nokkrir leikir í íslenska boltanum sem ég verð að vinna í næstu kvöld en sem betur fer ákvað alþjóðlega knattspyrnusambandið FIFA að taka tillit til mín og frestaði nokkrum leikjum á HM svo að ég myndi ekki missa af þeim... Enda myndi áhorfið á HM hrynja þegar það er upp á móti stórleik í íslenska boltanum eins og Stjarnan - ÍBV í gær *hóst*...!
Svo er annar innlendur leikur í kvöld og svo heft erlenda tuðrusparkið á ný á morgun... Ég þarf að vinna á fimmtudag þannig HM tekur sér aðra pásu, en svo leyfi ég þeim að spila uppá þriðja sætið næstu helgi meðan ég er í brúðkaupi, því hver nennir að horfa á fólk keppa um hver er næstum því ekki heldur heimsmeistari...
Og svo er sunnudagur til supersælu...

Posted 11:48 f.h. by Unknown
Bévítans... Það hvell sprakk á dekkinu á hjólinu á leið í vinnuna... Það var afspyrnu loftlaust þannig ég brá mér inná bensínstöð til að dæla í dekkin... Þrátt fyrir að hafa fylgt öllum leiðbeiningum um loftþrýsting, þá bara bing bara búmm...! Dekkið var nefnilega mjög slitið á hliðunum og það rofnaði með háum hvelli, sem gaf gamla kallinum að bíða eftir dælunin næstum hjartaáfall... Hafði ég þá eitthvað að brosa að, þegar ég reiddi hjólið heim aftur...

Posted 3:25 e.h. by Unknown
Little known fact:
Japan er eina landið sem skartar alltaf nýjum leikmönnum á hvert HM sem það kemst á, þökk sé viðhaldi miklum aga og aldagömlum hefðum... Eins og samurai forðum daga, þá eftir skömm ósgigurs þá rista leikmennirnir sig á hol með sínum eigin vopnum, sem í þeirra tilviki er flugbeittir takkaskór, sem þeir nota til að tækla sig til bana...
Af svipuðum ástæðum er svampur settur framan á alla míkrafóna til að minnka mannfall í karaoke...

Posted 10:44 f.h. by Unknown
Little known fact:
Út af lögun landsins eru fótboltavellirnir í Chile ekki mikið þykkari en markið sjálft... Fyrir vikið eru vellirnir þess mun lengri og spilar landslið þeirra leikkerfið 2-1-1-1-2-1-1-1-...

Posted 10:38 f.h. by Unknown
Þá er ég búinn með fyrsta brúðkaupið af þremur í röð... Þetta brúðkaup var uppí sveit þannig við gistum á hóteli sem var náttúrulega bara awesome... Svo var svo brjálæðislega heitt á laugardeginum að brúðarvöndurinn var kaktus... Það var því þess mun skemmtilega þegar kom að því að henda honum í ógifta kvennaskarið...

Posted 6:12 e.h. by Unknown
Little known fact:
Nýja Sjálenska liðið samanstendur algjörlega af aukaleikurum úr Lord Of The Rings kvikmydnunum... Þeir eru ekki sérlega góðir í fótbolta, en þökk sé risastórum hobbit fótum, þá eru þeir alltaf í boltanum...

Posted 11:52 f.h. by Unknown
Little known fact:
Eyðimerkurþjónin Alsír komst á HM eingöngu með sigrum á útivelli... Það er nefnilega ómögulegt að skora í Alsír út af jarðfræðilegum ástæðum... Það renna öll færin út í sandinn...

Posted 11:13 f.h. by Unknown
Little known fact:
Eftir miklar háþróaðar rannsóknir hafa vísindamenn komist að því að eina manngerða hljóðið sem drekkt gæti Vuvuzel hávaðanum væri vælið í franska landsliðinu...

Posted 10:53 f.h. by Unknown
Ég er ekki nógu duglegur að lesa... Einhvernvegin bak við allt videogláp og tölvustans þá finnur maður aldrei tíma til þess að setjast niður og glugga í eitthvað áhugavert... Það eina sem ég les að staðaldri er breska kvikmyndatímaritið Empire... Ég les það alveg heilag í hverjum mánuði... Í raun er vitleysta að ég sé ekki áskrifandi, því blaðið er komið uppí 1.700kr og ársgjaldið er bara um 10.000... Einföld stærðfræði...
Spurning um að kýla á það...
Fyrir utan að vera frábært blað, þá er það merkilegt við Empire, að það tekur mig alltaf akkúrat mánuð að lesa það... Eins og svo margir karlmenn, þá finn er aðeins einn staður þar sem maður fær frið og ró til að lesa... Það er auðvita á salerninu heima... Hefur því Empire blaðið verið fastur liður í föstum liðum dagsins... Og það klikkar ekki... Daginn eftir klára blaðið á kamrinum, þá er komið nýtt Empire út í búð... Alltaf...! Í hvert sinn upp á dag... Ég fylgist vel með blaðarekkum borgarinnar alltaf spenntur fyrir nýju blaði en aldrei kemur neitt fyrr en ég klára blaðið á undan... Það er eins og þeir séu með kameru inná kamri og fylgjast með lesningunni... Svo sjá þeir að ég er á síðustu opnunni og þá rjúka þeir í að koma nýju í verslanir fyrir mig daginn eftir svo ég þarf ekki að sitja menningarsnauður á dollunni... Þess vegna þegar ég fékk iðrukveisu komu út þrjú Empire á sama mánuði...

Posted 11:43 f.h. by Unknown
Little known fact:
Það voru eitt sin tvær þjóðir með sama nafn... Spanish Honduras og British Honduras... Til að skilja sig að fékk Spanish Honduras bara nafnið Honduras... Hitt landið fékk nafnið Volvovagina...

Posted 11:35 f.h. by Unknown
Þá er fyrsta útilega sumarsins afstaðin... Fórum á gullfallegan stað einhverstaðar rétt hjá Flúðum... Tilefnið af útilegunni var 29 og hálf afmæli afmæli hjá Valdisi vinkonu Önnu... Hún verður nefnilega þrítug í desember, og þar var betra að fara í útilegu núna frekar en þá, þó svo hitastigiði væri eflaust það sama... Ég er ekki að segja það vera kallt, en eistun á mér hafa formlega neitað að koma úr skjóli fyrr en á Spáni...
Þetta var þemaútilega og það þarf ekki snilling til að geta giskað hvað þemað var í sveitinni... Hið sívinsæla kúreka þema... Maður prýddi gallabuxur, leðurvesti, hatt og þökk sé vanrakstri síðasta mánaðar gat tálgað til skeggið í vígalegri (lesist hallærislegri) útlit...
Eins gott og blessað og kúreka þema uppí sveit er, þá þætti mér samt gaman að fara í þemaútilegu þar sem ekki væru kúrekar... Eitthvað nýtt... Hvað með Ninja þema...? Eða Sexý Eskimó... Þá væri maður allavega klæddur fyrir veðrið...

Posted 9:24 f.h. by Unknown
Little known fact:
Swiss, til að viðhalda hlutleysi sínu spilar leikkerfið 0-10-0, því þeir vilja ekki vera meira í sókn en í vörn...

Posted 9:19 f.h. by Unknown
Það er alltaf mikil stemmari að vinna frammeftir 03:00 um morguninn, sérstaklega þegar maður fattar að maður þarf að hjóla heim... Sem betur fer var rigning og ég bara á peysunni þannig stemmarinn var enn meiri...
En maður tók bara Tour de franskar kartöflur á þetta og brunaði blússandi niður auðu göturnar... Gegnsósa kemur maður heim og fer í sturtu til að þorna... Fæ að sofa út á morgun... Til þess var þjóðhátíðardagurinn fundinn upp... Það voru allt og margar andvökunætur undir stjórn Dana...

Posted 7:16 e.h. by Unknown
Little known fact:
Já, little known, eða hvað... Vita ekki allir mæta vel að Kim Yong Il þjáfaði fótboltalið Norður Kóreu... Hann hannaði líka búninga þeirra og samdi fögnunardans þeirra þegar þeir skora...Og þeir munu skora... Kim Yong Il segir svo mun verða...

Posted 11:11 f.h. by Unknown
Þá er HM komið á fullt... Nei, ég lýg... Það er rétt farið á skrið... Varla að boltinn löllist yfir marklínuna... Held að keppendur eru hálf lamaðir af þessu bévítans Vuvuzela lúðrum sem eru stanslaust í gangi... Þetta var fyrst ætlað sem ódýr loftkæling á leikvellina, en núna blása svo margir að það er bara rok á svæðinu...
Useless trivia dagsins:
Ef þið tækið alla Vuvuzela lúðra sem voru framleiddir fyrir HM og settu þá saman, enda í enda... þá væri það ekki nógu andstyggilegt apparat til að troða uppí afturendann á hverjum þeim sem hættir ekki að blása í þetta helvíti...
Little known fact:
Leikmenn frá langhlauparalandinu Cameroon hlupu til Suður-Afríku, til að spara flugfargjald... Enda er þessi vegalengd styttri en þeirra venjulega hlaupaleið þegar þeir voru að hlaupa í skólann sem börn...

Posted 4:00 e.h. by Unknown
Til þess að halda bloggfærslunum gangandi mun ég halda áfram þar sem frá var horfið 2006 á litlum HM fróðleiksmolum um keppnislið dagsins...
Little known fact:
Suður-Afríka sendi kvörtun í ár til FIFA varðandi ósanngjarni þess að meiga aðeins vera með eitt lið á mótinu, þegar "norður Afríka" er með fimm lið...

Posted 12:00 e.h. by Unknown
Sjitt hvað er létt að detta úr bloggmyndstrinu... Enda þegar flestir dagar eru eins, þá er massa erfitt að hafa eitthvað skemmtilegt að blogga um...
Það eina sem er að frétta er að mér tókst að redda mér tvöföldu blæðandi hælsæri og fyrir vikið eytt síðustu þremur dögunum í opnum sandölum... Er algjörlega að brjóta óskrifuð tískulög, þar sem ég prýði alltaf hvíta sokka í sandölunum... Ég er líka að ganga sandalana til, þannig ég dreg lappirnar eins og uppvakningur og skil eftir mig svarta gúmmíslóð hvert sem ég fer... Þurfti að vera á hnjánnum með stálull til þess að afmá bremsuförin...
Vissara því að eyðu næstum dögum sitjandi.,.. Fínn tími þar sem HM er að bresta á í dag... Það er bjór og svona uppí vinu en ég var búinn að lofa sjónvarpinu mínu að vera hjá því yfir fyrsta leiknum... HM í háskerpu... Yes, ég get loksins þekkt liðin í sundur...!

Posted 10:24 f.h. by Unknown
Var að koma með hjólið úr viðgerð í gær... Pínu spark í pungbudduna en vel varið því það er allt annað að hjóla núna... Bremsurnar bara til í minningunni, gírarnir geðveikir og afturhjólið var alveg við að detta af sökum ónýtra lega (voru leiði-legur)... Svo auðvita ískraði meira í hjólinu en í músaorgíu...
Nú er búið að skipta um bremsur, stilla gírana, laga legurnar (kominn með skemmti-legur) og drepa músaorgíuna... Manni líður eins og á mótorfák þar sem hjólið brunar áfram á miklu meiri hraða, bæði sökum mýktar og samhæfni gíra, ásamt hæfileikanum að bremsa, eitthvað sem mér finnst vera orðið nær ómissandi í háannatraffík iðkun...
Jamms, eins og kínverjinn sagði, maður er bara spólandi glaður...

Posted 4:12 e.h. by Unknown
Kúplaði mig algjörlega frá heiminum um helgina (svona næstum því)... Spælandi þá að "smá vinna" sem ég tók að mér reyndist verða að 8 klst törn... Undir eðlilegum aðstæðum eru 8 klst ekki törn, en þarna var þetta á ljúfum sunnudegi... Ég sem átti að þvo bílinn þennan dag... Drulluskítuga, öskuþakin og rykfallna bílinn... Hmm, kannski var þetta þá betri sunnudagur en ég bjóst við...

Posted 10:47 f.h. by Unknown
Þá er komið að einu óplanaða helginni minni fram í september... Í þokkabóta er þetta búið að vera eina óplanaða helgin síðan febrúar... Það er virkilega ekkert að gerast... Engar skuldbingingar eða neitt við neinn... Ergó, þá var fjárfest í nautalund stærri en stofuborðið... Einnig flýtur með nokkrir osta, smá vín og síðast en ekki síst mega ignore á alheiminn...
Þið verðið að sjá um ykkur sjálf þessa helgi... Take care...

Posted 10:48 f.h. by Unknown
Ég var að gera smá tilraunastarfsemi í eldhúsinu í gær, en valdi því ver og miður ekki rétta hráefnið út frá bandíæfingu sem fylgdi stuttu seinna...
Ég fékk nefnilega skyndilega craving í eitthvað með wasabi... Fyrir þá sem þekkja það ekki, þá er wasabi þetta græna sterka piparrótamauk sem er alltaf með sushi... Ég á ennþá næstum kíló af wasabi dufti síðan ég veit ekki hvenær, þannig vissara að koma þessu út...
Þetta voru ekki flóknar tilraunir sem ég tilreyndi... Basically ég hrærði saman wasabi mauk, og smellti því svo annars vegar í hummus til að fá gott meðlæti með kjúlla og svo í sýrðan rjóma til að fá ofur ferska sósu... En öllu má nú ofgera og ofgerði ég enn frekar umfram það... Eftir ég var kominn í "namm, þetta er gott" stigið, þá bara varð ég að prófa að setja meira wasabi í gang... Enda ég uppi með neon grænt og heitt hummus og sterka græna sósu...
Þessu rétt næ ég að slafra í mig yfir smá kjúkling og agúrku til að friða bragðlaukana áður en ég stekk á æfingu... Maður byrjar að hlaupa svona um, elta bolta og álíka... Skyndilega er bara eins og það sé sinubruni í iðrum mér... Með hverjum andardrætti byrja wasabi eiturgufur að svíða allt innvolsið á hálsinum og lungu... Leið verr en ísbirni í örbylgjuofni...
Varð þetta mér því að lexíu... Ef maður ætlar að fitla í wasabi, þá gerið það með góðum fyrirvara fyrir æfingar... Í raun þarf maður að tíma þetta rétt eftir meltingu... Maður hefur heyrt hvað kettir hlaupa hratt með sinnep í rassgatinu, þannig maður getur rétt ímyndað sér hvað wasabiprump gefur góða innspýtingu... Pwwoooom...!!!

Posted 11:52 f.h. by Unknown
Í augnablikinu samanstendur vinna mín af klippingu af matreiðsluþáttum og útsendingu á fótboltaleikjum... Þrátt fyrir að vera í sleipari kanntinum í eldhúsinu, þá er að sýgjast ennþá meira í mig einhverjar nýjar kúnstir til að bregða á... Því ver og miður er ég ennþá jafn lélegur í fótbolta alveg sama hversu mikið ég sendi út af honum (að vísu þetta er íslenskur fótbolti þannig hann er lélegur til að byrja með líka)...
Eitt það nýja sem ég lærði var hvað er gott að vinna með kjötmæli... Ég hef átt einn tölvustýrðan sem hefur bara safnað ryki í 2 ár, en núna þökk sé kokkaþættinum reif ég hann upp og boraði í steik... Og þetta var engin venjuleg steik... Fór í Hagkaup og fann frosnar hollenskar nautalundir á frábæru verði... Ég tók svo þá allra stærðstu og breiðustu að hún komst ekki einu sinni í körfuna... Ég varð að labba með hana um búðina eins og hellisbúi með kylfu...
Eftir að hafa rotað afgreiðludömuna með lundinni og fengið þannig allt frítt í þessari ferð, þá tók ég hana úr umbúðunum og lét standa á borðinu í tvo sólarhringa... Svo kom eldunin... Snögg sviðin á öllum hliðum á pönnu og svo fjórir tímar bara svona rétt á 80 gráðum... Kjötmælirinn sá um eftirlitið þannig ég gat bara (h)legið í sófanum í sjónvarpsglápi uns píp tilkynnti mér um afraksturinn... 59 gráður kjarnhiti takk fyrir, svo kryddað og vafið í álpappír og látið standa í rúmmlega korter...
Afrakstuninn var beljusteik sem þú gast sogið upp með röri... Hún var svo mjúk... Rauðvínið var eins og tyggjó í samanburði... Nú þarf bara að finna eitthvað fleira að stinga mælinum í... Þar sem hann pípir um leið og ákveðnu hitastigi er náð, væri hagt að hafa veikindaforvarnið með því að hafa hann alla daga í bossanum svo pípir hann um leið og þú færð hita... Þá geturu brugðist strax við lasleikanum... Einhver látið landlæknir vita...

Posted 12:38 e.h. by Unknown
Svona á maður að halda Eurovision partý... Drekkfullt af fólki og stemning á háu plani... Það var í raun varla pláss í stofunni fyrir alla og var kominn röð fram á gang til að kíkja inn á útsendinguna...
Það er komin núna smá umræða um að kanna breytingu á "stauprefsingum" í Eurovision leiknum þar sem 39 lönd gefa stig... Það var hleypt af fleiri skotum en skotglaður Skoti með hríðskota skotvopn... Afleiðingarnar voru skrautlegar og gamli pízzufrasinn "hver ældi á flatkökuna" var tekinn of bókstaflega þarna í lokinn af ónefndum aðilla sem fann ekki snakkskál tímanlega í þetta sinn... En maður hlær bara að svona og vona ég bara að allir hafa skemmt sér eins vel og ég...
Þrátt fyrir mikla gleði ætla ég samt að afsala mér Eurovisionpartýhaldarahattinum til hvers þess sem telur sig verðugan að taka við... 4 ár í röð er fín tala, þannig nú skal færa gleðina fyrir næsta ár... En þangað til... Áfram Ísland...

Posted 12:34 e.h. by Unknown
Þá er maður búinn að kaupa sjónvarpsborð sem lúkkar betur með nýja sjónvarpinu... Eftir veskið fékk nokkur væg hjartáföll í nokkrum húsgagnabúðum fundum við akkúrat það sem við þurftum í Rúmfatalagernum... Hófst ég svo til handa að henda þessu saman...
Þótt Rúmmófatólagó er með svipað fyrirkomulag og Ikea hvað varðar heimasamsetningu, þá er hráefnið frá Rúmfatalagernum ekki eins þjált að vinna með... Til að byrja með virðar skrúfurnar vera úr eggskurn, því þær eru svo brothættar... Svo virka ekki allir skúfgangarnir nema maður noti hamar... Loks vill rúmfatalagerinn að maður klári ytri lag mublanna fyrst, þannig maður verður að skríða um á gólfinu í kamasutra stellingum til að komast inní kverkarnar að klára verkið...
Í þokkabót drekka þeir pakkningum í frauðblasti sem molnar þegar maður horfir á það, og svo er allt stöðurafmagnað að ég var þakinn á no time eins og ég hafi lennt í snjóstormi...
En saman fór sjónvarpsskápurinn og prýðir hann stofuna alveg prýðilega... Nú þarf bara að ferja út öll gömlu húsgögnin og gera húsið í lag fyrir helgina... Samt, skil ekki af hvejru maður tekur alltaf svona rosalega vel til fyrir partý... Maður fær að njóta þess í 5 mínútur og svo verður ekki hreint fyrr en 5 mínútur fyrir næsta partý, hvenær sem það nú verður...

Posted 9:58 f.h. by Unknown
Svakalega brenndi ég mig á trampólíni um helgina... Skutlaði mér framaf nokkrum tröppum inná trapólínið og bremasði með olnboganum... Eins og einhver hafi tekið sjóðheitann ostaskerara og rennt honum upp eftir handleggnum á mér... Fyrir vikið er nær ómögulegt að koma sér almennilega fyrir... Get ekki hvílt olnbogann uppá borði eða kjöltu... Svo er ekki hægt að sofa nema í einni stellingu... 69... Nei joke, verð að liggja á bakinu með hendina uppi loftið eins og ég sé að veifa eftir leigubíl... Enda er röð af þeim fyrir utan svefnherbergið...

Posted 9:08 f.h. by Unknown
Loksins kom að því... Stórfrækna félagið Bandífélag Reykjavíkur hirti málmkennd verðlaun á móti... Mótið var bikarmót, og málmurinn brons... Eftir hluta úr sólarhrings baráttu uppskáru þeir það sem sáðu á öllum löngum og ströngum æfingum ársins... Því ver og miður gat ég ekki tekið þátt í mótinu með þeim þar sem ég var staddur á Höfn í jarðaför (einstaklega falleg í kirkjugarð með útsýni yfir sjóinn), en af hugulsemi var tekin til hliðar ein medallía fyrir mig... Ég meina allstaðar myndi leikmaður sem spilar allt árið en missti af síðasta leik (út af óumflýjanlegum ástæðum (svo sem meiðslum og jarðaför) fá medalíu, enda hluti af liðinu... Það væri jú bara hallærislegt að einhver myndi virkilega nöldra yfir að forfallnir fá ekki medalíu, en sem betur fer leynist engin svoleiðis félagsskítur innan BR, enda liðið sérvalið af vinskap og sammrýnd hópsins (plús nokkrar ofur skyttur í afleysingjum í þetta sinn)...
Þannig BR, til hamingju með okkar áfanga... Leiðin liggur bara upp á við (nema þegar hinir pressa, þá verða allir að bakka í vörn)... Áfram BR...!!!

Posted 12:34 e.h. by Unknown
Helgin að sigla rólega í garð, með aukafrídegi á mánudegi þökk sé hvítum sunnudegi... Ég hefði getað tekið mér frí í dag en ég ákvað að gera mér sér ferð í vinnuna til þess að ná vikulega föstudags hádegismatnum hérna... Því ver og miður var það ekki ferðarinnar virði því snæðingurinn að þessu sinni var grænmetissúpa... Lít ég út eins og tannlaus kind...?
Jújú, súpan var svo sem ágæt á bragðið, en það byrjar engin helgi á því að lepja litað vatn með linsubaunum... Þarf greinilega að pulsa mig upp á leiðinni úr bænum...
Góða langa helgi...

Posted 10:13 f.h. by Unknown
Var í frábæru Pre-pre-Eurovision partý í gær í góðra vina hóp... Þarna var ég, Haukur, maðurinn hennar Önnu, pabbi Matta, keppandi úr Wipeout, pabbi Lillian Líf, leikmaður BR nr. 8, fyrrverandi Íslandsmeistari í foosball, heimsmeistari i rifjaeldamennsku, núverandi sigurvegari Ölympics og fleiri alíka skemmtilegir og myndarlegir gestir...

Posted 2:45 e.h. by Unknown
Ég þarf að fara með hjólið mitt í stillingu... Það er eitthvað vanstill... Held andlega, því í gær þá tók það upp á að tæta sjálft sig í sig, frekar en buxnaskálmina mína... Var í makindum að hjóla niður brekku og skipta um gír, og þá bara "nom, nom, nom" og stórir plast bitar skyrpast út frá keðjunni... Svo neitar hjólið að fara í efsta gír, og þegar það loksins tekst skiptir hjólið sér alltaf aftur niður haldandi að ég taki ekki eftir því... Loks eru bremsurnar líka á mótþróaskeiðinu, en það er hægt að laga þær með smá herðingu...

Posted 1:25 e.h. by Unknown
Maður er næstum því kominn með reykeitrun... Það sauð nefnilega svo svakalega á heilahvelinu á ljósku (í raun þá bara "hvelinu") fyrir framan mig í röð áðan...

Posted 10:21 f.h. by Unknown
Oh... Maður var of upptekinn að vinna af sér fimmtudaginn til að fá örugglega frí, að ég stein gleymdi að vinna af mér föstudaginn og taka fjagra daga pakka á þetta...

Posted 10:05 f.h. by Unknown
Önnur útsending í gær í boltanum... Vorum stödd í boði Fram á Laugardalsvelli en ekkert hugsað um okkur tökuliðið... Ég varð meira segja að véla úr þeim að opna salerni til þess að tæma blöðruna... Ekkert vera en að vera í spreng í langri útsendingu... Svo var ekkert klósett opið nema lengst í hinum enda húsinu... Þannig í þriggja mínútna auglýsingahlé, varð maður að spretta, skvetta, bretta, sletta, næstum detta og spretta tilbaka... Maður skutlaði sér á myndmixer borðið og rétt náði að setja út rétta myndavél þegar við komum inn úr auglýsingum...

Posted 10:32 f.h. by Unknown
Það tístir svo svakalega í hjólinu mínu, að það er sem ég sé knúinn áfram af músum... Það er bara vitleysa... Það er hálfur her hljóðlátra hamstra sem sér um það...

Posted 10:25 f.h. by Unknown
Sumarið er formlega byrjað... Það er ekki veðrið sem setti það af stað, heldur fótboltinn... Ég er sjálfur ekkert mikið fyrir íslenskann fótbolta, enda ber ég enga hagsmuni um hvort einhverir rúmmlega ellefu manns sigra eða tapa gagnvart öðrum rúmmlega ellefu manns...

Posted 10:17 f.h. by Unknown
Þá er matargagnrýnin komin... Rifjaritgerð um grísagottið á Hamborgarafabrikkinnu...

Posted 11:15 f.h. by Unknown
Hlakka svo til að næra mig á morgun, þótt ástæðan fyrir betri næringu er dökku skýji huluð... Við Durgarnir erum nefnilega að fara hittast til að kveðja einn Durg sem er að flýja land... Hann ætlar að leita grænna grasa í Noregi um sinn (áður en grænu grösin verða grá úr gosösku okkar (Sorry Norway))...

Posted 10:43 f.h. by Unknown
Ætli það sé einver markaður fyrir gamallt en gott túbusjónvarp sem ég þarf að losa mig við...? Í raun gæti ég alltaf átt það sjálfur... Sett inní bílskúr og geymt þar til ég flyt í stærra hús og svona... Látið börnin fá það þegar þau koma (NEI, engin eru á leiðinni og við erum ekkert að fela, takk fyrir að spyrja enn og aftur)...

Posted 10:35 f.h. by Unknown
"Hjólað í vinnuna" dagur 2 byrjaður.... Ég blotnaði meira í dag en í gær (that's what she said)... Ég held ég þarf að fá mér bretti á dekkinn, því það er eins og ég standi inní miðjum gosbrunn um leið og það er smá væta á jörðinni...

Posted 11:19 f.h. by Unknown
Tók þátt í morgunn í vinnustaðaleiknum "Mætti regnvotur í vinnuna", öðru nafni "hjólaðu í vinnuna"... Gaman að sjá að íslenskir ökumenn betra ennþá jafn litla virðingu fyrir hjólreiðamönnum eins og hjólreiðakeðja ber fyrir buxnaskálmum... Alltaf að hjakkast á þeim...

Posted 9:23 f.h. by Unknown
Þá er ég kominn á kaf í klipp á matreiðsluþáttum... Fín tilbreyting við allan hamaganginn úr Wipeout og Skólahreystisklippunum... Núna er bara og léttlogaðar lundir og hægeldað hænsi að malla á skjánnum... Maður er samt alveg vitlausu megin við framleiðsluferlið í þetta sinn... Tökumennirnir koma pakkasaddir ropandi tilbaka meðan ég rétt næ að sleikja smá sósu af klístruðu spólunum...

Posted 3:25 e.h. by Unknown
Ekki láta ykkur bregða en hér er að mér sýnist að koma tvö blogg á sama degi... Awesome...

Posted 10:00 f.h. by Unknown
Mmmm, ahhh... Þá er maður kominn úr 4 mánaðar frí... Ekki það að ég þyrfti þess... Þetta er í raun stór skandall... Svona Tiger Woods skandall... þá á ég ekki við "119 hjákonur" skandalinn, heldur "að taka sér pásu og koma til baka sökkandi í gólfi" skandalinn... Vonandi verður þetta ekki svona hjá mér... Vera blogglaus í 4 mánuði og ekki kunna skrifa gott lengra...

Posted 9:31 f.h. by Unknown
Já sæll... Var ég ekki einu sinni bloggari... Hef stein gleymt skyldum mínum... Bæti það upp bráðum...