Lífið, heimurinn og allt saman

föstudagur, nóvember 20, 2009

Posted 8:34 AM by Raggi
Fann mér tíma milli þess sem talvan hrundi (hugbúnaðarlega (ekki líkamnlega)) til þess að gera update... Framundan er stórviðburðarhelgi samanþjöppuð af uppákomum...

Byrjum fyrst að tæta í gegnum vinnudaginn... Mættur 8:00 og fer ekki fyrr en tökum á Loga lýkur 22:30... Bíður mín þá stórafmæli hjá æsku æsku æsku vini mínum Óla Stein...

Það framfleytir mér inní laugardaginn sem byrjar með vinnu... Svo kemur frábær fögnuður í formi Wipeout veislu... Hópur 1, 2 & 3 ætla að hittast í einhverjum fimleikasal, þar sem sett hefur verið upp okkar eigin íslenska Wipeout braut... Þreytum við þrautina á móti hvort öðru og svo skrall í kjölfarið...

Loks er sunnudagur sveittur, með vinnu um morgun, en svo síðasta bandí leikinn fyrir áramót... Mánudagur virðist vera svoooo langt í burtu...

fimmtudagur, nóvember 19, 2009

Posted 9:36 AM by Raggi
Er strax kominn fimmtudagur...!?! Hvar er kallinn búinn að halda sig...? Annað hvort bak við lyklaborð eða undir sæng... Því ekki frá miklu að segja þótt á báðum stöðum gerast áhugaverðir hlutir...

Er búinn að vera í upptökum á Marteini, svo vinna fyrir Loga og í hverri eyðu er ég að klippa Wipeout... Núna er ég að vinna í úrslættinum í þætti 2... Er að hljóðskreyta keppendur í þeirra skrautlegri för... Erfitt val um hvort skal nota *boing*, *doing* eða *boooing* og líka *blúpps*, *blobs* eða *splass*... Decisions, decisions...

mánudagur, nóvember 16, 2009

Posted 8:17 AM by Raggi
Ég var alveg út úr kú... Svo viss það væri miðvikudagur í dag og að ég hafði stein gleymt að blogga um helgina...

Það er vegna þess að ég fór að vinna snemma laugardags og sunnudags...

Ég hefði samt viljað vinna miklu meira á laugardag... ekki atvinnulega, heldur bandílega... Það var nefnilega frekar miður niðurstaða í lokin... Þetta var hinsvegar allt tekið upp á spólu sem við munum horfa á í vikunni og sjá hvað fór úrskeiðis... Svo verður spólan étin...

Náði samt í vinnutörninni að létta aðeins lundinn með góðu Durga partý... Hópsöngur með helíum klikkar ekki...

Núna er svo rugl vinnuvika... Upptaka á Martein langt fram á kvöld í dag... Svo vinn ég þrið/miðv. í efnisöflun fyrir Loga, fimmt. /föst. í klippingu á Loga og svo útsending langt fram á kvöld... Þarf samt að skila 40 klst í Wipeout líka þannig... já... held ég ætla ekki að hafa þetta blogg mikið lengra í dag...

fimmtudagur, nóvember 12, 2009

Posted 4:22 PM by Raggi
Það er bara krazy miss Daizy klikk mikið að gera þessa dagana... Er kominn í að klippa Wipeout á fullu og er það 100% vinna næstu 3 mánuðina... ofan á það er ég með Loga í beinni vinnu sem er full vinnu vika aðra hverja viku... Til viðbótar var ég að texta alla Fangavktina fyrir DVD sem er nokkra daga verk og svo er ég líka stundum í upptökum á þættinum Marteinn... Loks má benda á að ég er í háskólanum bara svona til að fylla uppí eyðurnar...

Þar sem ég er skuldbundinn til að skila 40 tímum á viku í Wipeout, þá klippi ég hitt á kvöldin, nema þegar það þarf að gerast á daginn og þá fer Wipeout á kvöldin til að bæta upp vinnutapið, nema eitthver upptaka er um kvöldið og þá fer allt um helgina, en þá er ég að keppa í bandí þannig það fer í vikuna á eftir, en þá eru upptökur og verð ég því vinna öll kvöld vikunnar á eftir, en þá þarf að klára ritgerð og bla bla bla...

Og þið ætlist til ég bloggi...? Finn smá stund meðan talvan er að "rendera"...

Mér tókst samt á einhvern undraverðann hátt að finna smá tíma til að skrifa ferðasöguna um Argentínu... Kannski því ég var að því til 4:30 í nótt... Rúmmlega hálfnaður og að nálgast 4.000 orð... Ég mun samt ekki birta hana fyrr en Wipeout þátturinn með mér er kominn í loftið, og miðað við núverandi áætlun og doðrantinn sem kominn er, reikna ég með að þetta verði jólabókin í ár... En aftur að vinnu... Render búið og ég má ekki við töfinni...

þriðjudagur, nóvember 10, 2009

Posted 8:40 AM by Raggi
Var að dreyma stanslausa klippivinnu í aaaalla nótt... Því miður ekki hægt að vista þegar ég vaknaði, þannig öll vinnan til einskis... Svo verður þetta víst launalaust líka... bleh...
Kannski ég sef bara héðan í frá með USB lykil í eyranu... þá geymast klippiskrárnar...

mánudagur, nóvember 09, 2009

Posted 8:57 AM by Raggi
Ekkert smá viðburðarík helgi... eða hittó...
Á föstudag var árshátíð með vinnunni hennar Önnu... Frábær matur og balla á eftir... en ég missti af því sökum upptöku á Loga í beinni...
Það var kannski bara fínnt, því á laugardag er ég kominn snemma af stað að klippa Wipeout... Var að klára að klippa saman Sweeper atriðið fyrir fyrsta þátt...
Varð þá til þessi vísa...

Við Wipeout er að vinna hér,
skal vanda mig í klippi.
Sweeper alla ílla ber,
eins og stórt rautt ... eh... kökukefli...

Fannst mér ekkert nema viðeigandi að pósta þessu á Facebook... Kemur þá Guðni samklippari og framleiðandi Wipout og svarar...

Wipeout verk mjög stór er
og mörgu þarf að sinna.
Hættu þá að skrifa hér
og halt áfram að vinna.

Glæsilegt tilsvar þarna... Jamms, eg klára Sweeper atriðið og fer nú í úrtökurnar fyrir næsta þátt og klippi meira fram á kvöld...

Ég held að helgin verði grimm,
heftur í vinnu fjötra.
En qualifier klipp hef fimm,
nú kallinn má smá sötra...

Fer ég heim og næri mig... Framundan er enn viðburðararíkarakvöld en það sem á undan leið... Þrír áfangastaðir í borði sem ég verð að gera upp á milli... Það er frumsamið Pub Quiz, þrítugsafmæli og svo vinnupartý... Ég sest uppí sófa, sötra einn öl og slaka á... Hvert skal fara...? Það var mikill vandi á höndum með val, en úrlausnin kom bara af sjálfu sér...

Pub-Quiz, birthday, staffa trall.
Erfitt var að velja um skrall.
Hann kallinn klæddist upp í gírinn,
en einn öl heima svæfði fýrinn...

Bara steinrotaðist í sófanum yfir sjónvarpinu... Það var bara fínnt... Þurfti eiginlega á þessu að halda því sunnudagurinn byrjaði snemma og endaði seint... Og nú er mánudagur... Bah...!

föstudagur, nóvember 06, 2009

Posted 1:21 PM by Raggi
Crazy daizy dagar í gangi og bloggleysi því löglega afsakað...

Helgin ekkert skárri...

Hef ekkert af viti að segja, þannig ég kem með smá hugleiðingu...

Mikið finnst mer óþægilegt að vera mál á klósetið þegar maður er að reyna hringja í fólk sem maður verður að ná í... Ef það svar ekki símanum, þá get ég ekki farið á salernið fyrr en það hringir tilbaka svo ég sé örugglega ekki á kamrinum þegar það hringir... Hef þurft að halda í mér í nokkra daga út af þessu...

Góða helgi...

Home