Posted 9:13 f.h. by Unknown
Vikan ekki fyrr byrjuð fyrr en föstudagur skellur á mann sem ílla hönnuð salernishurð... Í tilefni afmælis míns fyrr í vikunni, og endurnýjaðrararar eldhúsinnréttingarar (har har), þá verður samkvæmi samkvæmt mér í kvöld... og ekkert venjulegt samkvæmi, heldur Bad taste samkvæmi... "Bad taste" = "Smekkleysa", ekki "Bad taste" = "Vont bragð", því það verður blússandi bombu bollu brugg í boði...

Posted 8:20 f.h. by Unknown
Var að klára 2000 orða ljóðagreiningu í einum sitjanda í gærkvöldi... Þetta er stærsta verkefni ársins í einu fagi og við höfðum fengið margar vikur til að vinna þetta, en eins og alltaf þá byrja ég ekki fyrr en á síðustu...
Við fengum 6 ljóð til að velja eitt úr, og þá engin smá ljóð... Ætti ekki nóg blek til að prennta þau út því löng voru þau... Verst er líka að þetta eru ljóð sem vilja svo mikð láta kalla sig ljóð... Ekkert svona "Bjarnastaðarbeljunar", heldur torskiljanlegar og tilgerðarlegar lýsingar í samhengislausum setningum... Þvílík kvöl og pína að lesa þetta og hvað þá að þurfa að rýna í þetta... Þetta er eins og að þurfa að gagnrýna tannlæknabora út frá að hafa látið prófa nokkra á sér án deyfingu...
En svo sá ég það... Ljós í myrkrinu (er ekkert að reyna vera skáldlegur hérna samt)... Sá eina setningu sem gaf litla vísbendingu um hvað eitt ljóðið fjallaði um... og ég tók þetta ljós og hljóp með þetta sem Ólympíueld um lykkjótta leið (OK, núna smá skáldlegur)... Skyndilega sá ég hvað ljóðið fjallar um "í mínu áliti", og þar sem þetta er ljóðagreining þá þarf ég ekki endilega að hafa rétt fyrir mér... Ég þarf bara að geta stutt tillögur mínar...
Og þá fer steypugerðarvélin í gang... Ég hræri og hræri og hrauna úr mér hverja setningu á fætur annar... Það flæðir yfir blaðsíðurnar og festir sig sem grjóthart gæðavegverk... Ekkert bundið slitlag og texti hér... Svo þvílíkt malbik, að vegagerðin skammaðist sín fyrir léleg vinnubrögð síðustu 31 árin...
Næst bara save og print og málið er dautt... Svona á að gera þetta... Ef maður ætlar að fara í ham, þá getur maður ekki unnið verkefni smá saman á mörgum dögum... Bara rumpa þessu af á einu bretti... Synd bara hvað ég byrja alltaf seint á kvöldin... Fékk sekt frá bæjaryfirvöldum fyrir iðnaðarframkvæmdir eftir 22:00...

Posted 9:40 f.h. by Unknown
Það er bara staðreynd að ég kann ekki að elda rétt magn af mat fyrir hóp af fólki... Ef ég er einn þá elda ég eins og fyrir tvo... Ef við erum tvö, þá elda ég eins og fyrir fjóra... Ef við erum fjögur, þá elda ég eins og fyrir átta... Það er eitthvað mynstur hérna sem ég er að reyna sjá...

Posted 9:57 f.h. by Unknown
Þvííííílííííkur leikur á sunnudag... Bandífélag Reykjavíkur að mæta Viktor (ekki einum Viktor heldur heilu liði af Viktorum)... Þetta eru núverandi Íslandsmeistarar, en við stóðum svo svakalega í hárinu á þeim, að þeir eru urðu að raka það af til að vinna okkur, sem þeir gerðu með naumindum því ver og miður... Ekkert til að skammast sín yfir, því BR sýndi stórleik og er með minnsta tapið í riðlinum gegn þessu ósigraða liði...

Posted 3:53 e.h. by Unknown
Enn önnur róleg helgi framundan... Fínst því það kemur fjörflæði með hausinu bráðum... En fyrst er það þessi vinnuhelgi, með löngum föstudegi og laugardegi... Treð inní það final frágangi á eldhúsinu...

Posted 10:03 f.h. by Unknown
Þó það virðist vera vinsælast er að hakka í sig fyrirtæki sem eru að taka mann í afturenda (kannski af því það er algengara), þá er líka mikilvægt að minnast á þau sem gera góða hluti...

Posted 9:13 f.h. by Unknown
Várúð... Nöldurgrein framundan... vill bara létta þessu af mér... Efast um vott af kímni eða hressleika sé þar að finna... Þetta er hinsvegar raunverulega saga um baráttu almúgans við stórfyrirtækin...
Hefst þá frásögnin sem er byggð á umsókn send til kærunefndar Neytendasamtakanna varðandi lausafjár- og þjónusukaupa... Ég sagði þetta væri ekkert fyndið...
Í lok júlí 2008 var skipt um móðuborð í fartölvu minni hjá EJS. Einnig fékk ég nýjan straumbreyti. Hún var keypt erlendis september 2005 með þriggja ára alheims ábyrg. EJS samþykkti ekki þá ábyrgð, en gerði mér kleyft að breyta þessu í íslenska ábyrg og borgaði ég umsýslugjald. Gerðu þeir þá við vélina...
Á innan við ári bilar móðurborðið aftur. Þeir neita að skipta um og segja þetta ekki í ábyrgð. Á sama tíma bilar straumbreytir en þeir láta mig fá nýjan án endurgjalds og minnast ekkert að ábyrðin sé ekki til staðar. Móðurborðið vilja þeir ekkert skipta um. Ég hringi í Neytendasamtökun og þeir standa bak við mig. EJS vill samt ekki skipta um móðurborð heldur bara lóða eitthvað saman. Sú viðgerð dugar hinsvegar bara í tvær notkanir á vélinni. Fer ég þá með vélina aftur í viðgerð. Nú er komið rétt yfir ár frá umskiptingu...
Þeir neita um að móðuborðið sé í ábyrð því það er komið meira en eitt ár frá skiptingu. Ég hringi í Neytendasamtökin þeir segja það vera tvö ár á íhlut. Í þokkabót er þetta bilun sem kom upp áður en á eitt ár rann upp og að þeir hjá EJS neituðu að skipta um íhlut þá.
Þá segja þeir að almennt í tölvum er engin íhlutur í ábyrgð einn og sér þótt skift hefur verið um. Bara talvan í heild. Neytendasamtökin segja að svo er ekki, heldur er ábyrð á hverjum nýja íhlut.
Þá segja þeir að þar sem talvan var upprunalega keypt erlendis þá er þetta ekki í ábyrgð. Ég segi að ég borgaði umsýslugjald sem þeir seldu mér til að fá íslenska ábyrð. Þeir neita samt að gera við...
Ég og EJS tala við Neytenda samtökin, en EJS vill enn ekki samþykkja umskipti á íhlut sem gaf sig á innan við ári. Þeir segja hann sé allt of dýr. Það var ekkert mál á sama tíma að láta mig fá straumbreyti. Þetta er tvöfaldur standard á þjónustu...
Fæ ég því tölvuna aftur núna á fimmtudaginn en þarf samt að borga skoðunargjald...
Sendi ég því inn kæru í morgun til kærunefndar Neytendasamtakanna varðandi lausafjár- og þjónusukaupa... enda kæruna á samantekt á hvað er rangt...
1. Ósamræmi í afsökunum þeirra EJS um af hverju þeir vilja ekki gera við vélina. Hann breytist í hvert sinn sem ég kem með lögmætt svar samkvæmt Neytendasamtökunum.
1a. Þeir segja það sé bara eins árs ábyrð á íhlutum sem skipt er um. NS segir það séu 2 ár.
1b. Þeir segja mér að bara tölvur í heild sé undir ábyrð en ekki íhlutir. NS segir að hver íhlutur sem skipt er um fær ábyrgð.
1c. Þeir segja vélina ekki í ábyrgð á Íslandi. Þeir seldu mér umsýslugjald til þess að setja vélina í ábyrgð á íslandi og NS segir hún sé því í ábyrgð.
2. Sumir íhlutir voru skipt um eins og þeir væru í ábyrgð en aðrir ekki. Það var ekkert mál að fá nýjan straumbreyti án endurgjalds.
3. Ef reglan "eitt ár" er í gildi, þá þegar bilunin kom fyrst upp var innan við ár frá umskiptingu íhluts. Þeir vildu ekki skipta íhlut þá. Þeir gerðu tilraun til lagfæringu en sú viðgerð varði aðeins við í tvær notkanir. Var því komið rétt meira en ár þegar ég fór með tölvuna aftur út af sömu bilun.
Það er meira bull frá EJS í gangi en ég nenni ekki að fara frekar út í það...
Heyrðu, hvað haldiði að gerist... Ég veit ekki hvort það sé tilviljun eða hvort EJS sé að njósna um kærunefndina, en allavega ekki 5 mínútum eftir að ég sendi kæruna yfir netið hringir síminn frá EJS... Þeir segjast hafa talað við Dell í USA og að þetta sé í ábyrgð... Eru þeir strax búnir að pannta hlut og ætla að skipta um þegar hann kemur til landsins... Haldiði að þeir hafi fengið hringingu áður en þeir skiptu um skoðun...?
Hvað á ég að gera...? Á ég samt að fylgja kærunni eftir...? Neytendasamtökin sögðu að þetta væri nefnalega fordæmismál því úrskurðunum væri hægt að nota til að dæma um fleiri svona mál sem kæmu upp í framtíðinni...
Móðurborðið er allavega á leið til Íslands... About friggen time...
Ég hef heyrt um að kvarta þangað til maður er blár í framan en þetta var bara rugl...

Posted 8:03 f.h. by Unknown
7 ár, 3.194 post, 72.838 gestir og enn stækkandi... Til hamingju með afmælið Icebite...

Posted 2:17 e.h. by Unknown
Noh... Nú er bara farið í hart... EJS neitar að viðgangast ábyrgðarskilmála á varahlutum í tölvu þrátt fyrir tiltal frá Neytendasamtökunum... Nú þarf ég víst að leggja inn einhverja kæru í gegnum þau í sambandi við "Lausafjár- og þjónustukaup" til að sýna að lögin eru örugglega mín megin... Talvan verður því komin úr viðgerð ca. apríl 2027...

Posted 3:41 e.h. by Unknown
Til að vitna í Villa Vill.: "Mér finnst ég hvorki heill né hálfur maður"... Tölvulaus í 2 vikur, eldhúslaus í mánuð... Viljiði ekki bara gelda mig og svipta þannig öllum ofurkröftunum...

Posted 9:18 f.h. by Unknown
Maður er búinn að vera algjörlega lamaður síðan maður kom heim frá Argentínu... Ekki andlega eða líkamnlega (ekkert stórslasaður eftir Wipeout), heldur tæknilega séð tæknilega... Ég nefnilega hennti heimilisvélinni í viðgerð einhverjum vikum fyrir brotför... Tveimur dögum fyrir hringdi ég og þeir sögðu hún væri uppá viðgerðarborðinu... Svo fór fartölvan líka í viðgerð þegar ég fór út þannig þetta ætti nú að vera til þegar ég kem heim, enda sögðu þeir það væri lítið að gera hjá þeim þannig þeir kæmust strax í vélina...
Líður og bíður, hopp og hí... ég kem heim viku seinna og hvað... Ekkert tilbúið...
Heimilisvélin er enn uppá viðgerðarborði og þeir eitthvað að brasa... Laptoppinn er enn EJS nema þeir hafa ekki einu sinni byrjað á vélinni... Gefa sér 10 vinnudaga frest til svoleiðis segja þeir... Á virkilega að moka út flýtigjaldapönntunum í ár eða...?
Fyrir utan þetta er vélin hennar Önnu er líka biluð þannig við höfum verið tölvulaus heima núna í allt of langan tíma... Við erum hreyfihamlaðir hellisbúar á Ólympíuleikum ofvirka... Vill netheimurinn vinsamlegast standa í stað næstu daga svo ég missi ekki af neinu... Farið að lesa bók eða eitthvað...

Posted 9:57 f.h. by Unknown
Svei mér þá hvað var gaman að keppa um helgina... Það var þessi stórglæsilegi 3-3 sigur okkar manna í BR gegn BK í 2. og 3. leikhluta... Við skulum bara ekkert fara út í fyrsta leikhluta...
Svo fór góður hluti helgarinnar líka í að setja upp eldhúsið heima... Tugþúsundþjalasmiðurunn Óli bró kom og vippaði hverri einingunni upp á vegg og er allt komið fyrir utan einn skáp sem IKEA lét okkur fá vitlausann... Enda var ekki við öðru að búast þegar maður fær 300 pappakassapönntun að eitthvað er vitlaust... Fáum við rétta skápinn í dag og náum þá vonandi að klára allt eldhúsið (fyrir utan borðplötuna)... Þetta er búið að vera svoooo langur tími sem við höfum verið eldhússlaus... Meira en mánuður þar sem næring hefur nær eingöngu komið foreldað í frauðplast umbúðum... Ísskápurinn er kominn á sinn stað, en ég og Anna labba ennþá inní stofu að leita að honum...
En það sér fyrir endann á þessu... Er með blússandi bónar yfir nýju eldavélinni... Með fleiri stillingar en flest sjónvörp... Svo er ofinn svo rúmmikil... Breiðari á breiddina en sú gamla var á dýptina (og sú gamla var svo mjó að maður gat ekki grillað tvær pulsur hlið við hlið)... Það eru ófáar mathátíðir framundan sé ég...
Allavega, rokinn í innréttingu á innréttingu... Nú skal þetta klárað...

Posted 9:35 f.h. by Unknown
Ekkert smá spennandi helgi framundan, því á sunnudaginn er annar leikur hins nýstofnaða Bandífélags Reykjavíkur á Íslandsmótinu... Merkilegast fyrir þær sakir að á 31 árs ferli mínum hef ég aldrei keppt á neinu móti Íslands eða annarsstaðar...

Posted 11:00 f.h. by Unknown
Þá er drengurinn kominn heim á ný... Ég get kannski tilkynnt það núna, en ég var semsagt í Argentínu alla vikuna... Surprize...!